Fjórði orkupakkinn, grænir skattar og kyn ofarlega í huga Sigmundar Davíðs Hallgerður Kolbrún E. Jónsdóttir skrifar 7. júlí 2021 11:28 Sigmundur Davíð lagði fram sautján skriflegar fyrirspurnir fyrir ráðherra Íslands í gær. Fjórði orkupakkinn, fjöldi kynja og ferðagjöf voru meðal fyrirspurnamála. Vísir/Vilhelm Sigmundur Davíð Gunnlaugsson, formaður Miðflokksins og alþingismaður, lét hendur standa fram úr ermum í gær en hann lagði fram sautján skriflegar fyrirspurnir til ráðherra. Fyrirspurnirnar eru margvíslegar, þar á meðal hvað forsætisráðherra telji mörg kyn vera til, hvort fjórði orkupakki Evrópusambandsins liggi fyrir og svo fram eftir götunum. Blásið var til aukafundar á Alþingi í gær þar sem gleymdist að samþykkja lög um óbreytt stafakerfi í komandi kosningum. Það er að kjósi fólk Sjálfstæðisflokkinn setji það X við D, kjósi það Samfylkinguna setji það X við S og svo framvegis. Sigmundur greip þá tækifærið og lagði fyrirspurnir fyrir átta ráðherra ríkisstjórnarinnar. Óskaði hann eftir skriflegu svari við þeim öllum en enn hefur svar ekki borist við neinni fyrirspurnanna, enda aðeins sólarhringur frá því þær voru lagðar fram. Eins og fyrr segir eru fyrirspurnirnar af margvíslegum toga. Spyr hann til dæmis Svandísi Svavarsdóttur, heilbrigðisráðherra, hvers vegna ekki hafi verið komið í veg fyrir að sjúklingar séu sendir til útlanda í aðgerðir sem hægt hefði verið að framkvæma hér á landi. Þá lagði hann einnig fram fyrirspurn til hennar um það hvernig neysluskammtur fíkniefna sé skilgreindur og hvort sá skammtur sé flokkaður eftir ólíkum tegundum fíkniefna. Fjórði orkupakkinn og fjöldi kynja „Hversu mörg eru kyn mannfólks að mati ráðuneytisins?“ spyr Sigmundur forsætisráðherra, Katrínu Jakobsdóttur. Katrín fékk einnig frá honum fyrirspurn um endurbyggingu á Seyðisfirði, það er hver aðkoma ríkisins verði að þeirri uppbyggingu eftir aurskriðurnar í vetur. Margir muna eflaust eftir umræðum þingsins um þriðja orkupakkann, sem tröllreið samfélaginu fyrir tveimur árum síðan. Sigmundur er þegar farinn að velta fyrir sér þeim fjórða. „Liggur fjórði orkupakki Evrópusambandsins fyrir og ef svo er, hverjar eru helstu breytingar frá þriðja orkupakkanum,“ spyr Sigmundur Þórdísi Kolbrúnu Reykfjörð Gylfadóttur, feðramála-, iðnaðar- og nýsköpunarráðherra. Þórdís fékk einnig frá honum fyrirspurn um ferðagjöfina, sem Íslendingar hafa fengið afhenta að öðru sinni frá því að faraldurinn byrjaði hér á landi. „Hver tók ákvörðun um að ferðaávísun sú sem send var öllum fullorðnum Íslendingum skyldi kölluð ferðagjöf? Er það afstaða ráðherra að ef skattgreiðslum er skilað til skattgreiðenda að um gjöf sé að ræða?“ Grænir skattar og kostnaður við Borgarlínu Áslaug Arna Sigurbjörnsdóttir, dómsmálaráðherra, fékk fyrirspurn þess efnis hvaða ráðstafanir hafi verið gerðar til að undirbúa vörn fyrir Grindavík, Voga á Vatnsleysuströnd, Hafnarfjörð eða önnur byggðarlög í grennd við eldvirk svæði á Suðurnesjum þar sem líkur á aukinni eldvirkni séu á svæðinu. Fyrir félags- og barnamálaráðherra, Ásmund Einar Daðason, lagði hann fram fyrirspurnir um móttöku flóttafólks hér á landi. „Ef komið verður á samræmdri móttöku flóttafólks, munu þeir sem höfðu áður fengið alþjóðlega vernd eða dvalarleyfi af mannúðarástæðum eiga rétt á sömu þjónustu og kvótaflóttamenn og hversu langt aftur munu þau réttindi gilda?“ spyr Sigmundur. Þá lagði hann einnig fram fyrirspurn um það hver áætlaður aukinn kostnaður við að veita þeim sem fá hér alþjóðlega vernd eða dvalarleyfi af mannúðarástæðum sömu þjónustu og kvótaflóttamönnum. „Hversu margir „grænir skattar“ eða önnur gjöld sem tengjast umhverfismálum hafa verið lagðir á eða hækkaðir á þessu kjörtímabili og hversu oft hafa gjöldin hækkað?“ spurði Sigmundur Bjarna Benediktsson, fjármála- og efnahagsráðherra. Þá lagði hann fyrirspurn fyrir Bjarna um heildarkostnað ríkisins af framkvæmdum við Borgarlínu og rekstur hennar og annarra almenningssamgangna á höfuðborgarsvæðinu til framtíðar. Þá lagði Sigmundur fram fyrirspurn til Bjarna um hvað hafi verið gert til að vernda eða gera upp læknisbústaðinn á Vífilsstöðum. Alþingi Miðflokkurinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Forsetaframbjóðandi er á villigötum“ Innlent Íslendingur á meðal farþega í flugvélinni Erlent Kviknaði í hverju fjórhjólinu á fætur öðru Innlent „Ber þess merki að eitthvað sé mjög nálægt því að bresta“ Innlent Líst best á Baldur og Höllu en verst á Ástþór Innlent „Sjálfum leiðast mér þessar nasistalíkingar“ Innlent Íbúar undirbúa hópmálsókn vegna uppkaupa í Grindavík Innlent OpenAI hættir notkun raddar eftir inngrip lögmanna Johansson Erlent Einn látinn eftir mikla ókyrrð í lofti Erlent Mikill viðbúnaður vegna bráðra veikinda Innlent Fleiri fréttir Komi ekki á óvart skapi ríkið aftur skaðabótaskyldu gagnvart Hvali hf. Spenna við Svartsengi, hvalveiðar í uppnámi og flugvélar í beinni Utanríkisráðuneytið harmar skort á kjörseðlum Bjarni í heimsókn í Malaví Kviknaði í hverju fjórhjólinu á fætur öðru „Ömurleg staða að vera settur í“ Þróttur lætur þríhyrninginn ekki af hendi „Ber þess merki að eitthvað sé mjög nálægt því að bresta“ Herþristar á níræðisaldri til sýnis á Reykjavíkurflugvelli Íbúar undirbúa hópmálsókn vegna uppkaupa í Grindavík Líst best á Baldur og Höllu en verst á Ástþór Samningar loks í höfn eftir fjögurra ára samningsleysi „Forsetaframbjóðandi er á villigötum“ Um sautján milljónir rúmmetra af kviku bæst við kvikuhólfið Hafa enga trú á að hvalveiðar fari fram í sumar Breytingar í borholum og fylgi frambjóðenda enn á hreyfingu Stefnir í spennandi og sögulegar forsetakosningar Erfiðast að fá Baldur til að tala um sjálfan sig Nýjar reglur um sjálfbæra landnýtingu Skúli metinn hæfastur í Hæstarétt Breytingar í borholum á Reykjanesi „Sjálfum leiðast mér þessar nasistalíkingar“ Lögreglan lýsti eftir fimmtán ára gamalli stúlku Hafa náð lendingu um staðarval nýs kirkjugarðs Lilja fundar með RÚV um „nýlenskuna“ Katrín leiðir í nýrri könnun Prósents „Viðurkenning á því að þetta er blaðamennska sem hann var að stunda“ Þolinmæði saminganefnda á þrotum Gæsluvarðhald yfir Davíð Viðarssyni framlengt 80 til 120 herskip lágu í Hvalfirði Sjá meira
Blásið var til aukafundar á Alþingi í gær þar sem gleymdist að samþykkja lög um óbreytt stafakerfi í komandi kosningum. Það er að kjósi fólk Sjálfstæðisflokkinn setji það X við D, kjósi það Samfylkinguna setji það X við S og svo framvegis. Sigmundur greip þá tækifærið og lagði fyrirspurnir fyrir átta ráðherra ríkisstjórnarinnar. Óskaði hann eftir skriflegu svari við þeim öllum en enn hefur svar ekki borist við neinni fyrirspurnanna, enda aðeins sólarhringur frá því þær voru lagðar fram. Eins og fyrr segir eru fyrirspurnirnar af margvíslegum toga. Spyr hann til dæmis Svandísi Svavarsdóttur, heilbrigðisráðherra, hvers vegna ekki hafi verið komið í veg fyrir að sjúklingar séu sendir til útlanda í aðgerðir sem hægt hefði verið að framkvæma hér á landi. Þá lagði hann einnig fram fyrirspurn til hennar um það hvernig neysluskammtur fíkniefna sé skilgreindur og hvort sá skammtur sé flokkaður eftir ólíkum tegundum fíkniefna. Fjórði orkupakkinn og fjöldi kynja „Hversu mörg eru kyn mannfólks að mati ráðuneytisins?“ spyr Sigmundur forsætisráðherra, Katrínu Jakobsdóttur. Katrín fékk einnig frá honum fyrirspurn um endurbyggingu á Seyðisfirði, það er hver aðkoma ríkisins verði að þeirri uppbyggingu eftir aurskriðurnar í vetur. Margir muna eflaust eftir umræðum þingsins um þriðja orkupakkann, sem tröllreið samfélaginu fyrir tveimur árum síðan. Sigmundur er þegar farinn að velta fyrir sér þeim fjórða. „Liggur fjórði orkupakki Evrópusambandsins fyrir og ef svo er, hverjar eru helstu breytingar frá þriðja orkupakkanum,“ spyr Sigmundur Þórdísi Kolbrúnu Reykfjörð Gylfadóttur, feðramála-, iðnaðar- og nýsköpunarráðherra. Þórdís fékk einnig frá honum fyrirspurn um ferðagjöfina, sem Íslendingar hafa fengið afhenta að öðru sinni frá því að faraldurinn byrjaði hér á landi. „Hver tók ákvörðun um að ferðaávísun sú sem send var öllum fullorðnum Íslendingum skyldi kölluð ferðagjöf? Er það afstaða ráðherra að ef skattgreiðslum er skilað til skattgreiðenda að um gjöf sé að ræða?“ Grænir skattar og kostnaður við Borgarlínu Áslaug Arna Sigurbjörnsdóttir, dómsmálaráðherra, fékk fyrirspurn þess efnis hvaða ráðstafanir hafi verið gerðar til að undirbúa vörn fyrir Grindavík, Voga á Vatnsleysuströnd, Hafnarfjörð eða önnur byggðarlög í grennd við eldvirk svæði á Suðurnesjum þar sem líkur á aukinni eldvirkni séu á svæðinu. Fyrir félags- og barnamálaráðherra, Ásmund Einar Daðason, lagði hann fram fyrirspurnir um móttöku flóttafólks hér á landi. „Ef komið verður á samræmdri móttöku flóttafólks, munu þeir sem höfðu áður fengið alþjóðlega vernd eða dvalarleyfi af mannúðarástæðum eiga rétt á sömu þjónustu og kvótaflóttamenn og hversu langt aftur munu þau réttindi gilda?“ spyr Sigmundur. Þá lagði hann einnig fram fyrirspurn um það hver áætlaður aukinn kostnaður við að veita þeim sem fá hér alþjóðlega vernd eða dvalarleyfi af mannúðarástæðum sömu þjónustu og kvótaflóttamönnum. „Hversu margir „grænir skattar“ eða önnur gjöld sem tengjast umhverfismálum hafa verið lagðir á eða hækkaðir á þessu kjörtímabili og hversu oft hafa gjöldin hækkað?“ spurði Sigmundur Bjarna Benediktsson, fjármála- og efnahagsráðherra. Þá lagði hann fyrirspurn fyrir Bjarna um heildarkostnað ríkisins af framkvæmdum við Borgarlínu og rekstur hennar og annarra almenningssamgangna á höfuðborgarsvæðinu til framtíðar. Þá lagði Sigmundur fram fyrirspurn til Bjarna um hvað hafi verið gert til að vernda eða gera upp læknisbústaðinn á Vífilsstöðum.
Alþingi Miðflokkurinn Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Forsetaframbjóðandi er á villigötum“ Innlent Íslendingur á meðal farþega í flugvélinni Erlent Kviknaði í hverju fjórhjólinu á fætur öðru Innlent „Ber þess merki að eitthvað sé mjög nálægt því að bresta“ Innlent Líst best á Baldur og Höllu en verst á Ástþór Innlent „Sjálfum leiðast mér þessar nasistalíkingar“ Innlent Íbúar undirbúa hópmálsókn vegna uppkaupa í Grindavík Innlent OpenAI hættir notkun raddar eftir inngrip lögmanna Johansson Erlent Einn látinn eftir mikla ókyrrð í lofti Erlent Mikill viðbúnaður vegna bráðra veikinda Innlent Fleiri fréttir Komi ekki á óvart skapi ríkið aftur skaðabótaskyldu gagnvart Hvali hf. Spenna við Svartsengi, hvalveiðar í uppnámi og flugvélar í beinni Utanríkisráðuneytið harmar skort á kjörseðlum Bjarni í heimsókn í Malaví Kviknaði í hverju fjórhjólinu á fætur öðru „Ömurleg staða að vera settur í“ Þróttur lætur þríhyrninginn ekki af hendi „Ber þess merki að eitthvað sé mjög nálægt því að bresta“ Herþristar á níræðisaldri til sýnis á Reykjavíkurflugvelli Íbúar undirbúa hópmálsókn vegna uppkaupa í Grindavík Líst best á Baldur og Höllu en verst á Ástþór Samningar loks í höfn eftir fjögurra ára samningsleysi „Forsetaframbjóðandi er á villigötum“ Um sautján milljónir rúmmetra af kviku bæst við kvikuhólfið Hafa enga trú á að hvalveiðar fari fram í sumar Breytingar í borholum og fylgi frambjóðenda enn á hreyfingu Stefnir í spennandi og sögulegar forsetakosningar Erfiðast að fá Baldur til að tala um sjálfan sig Nýjar reglur um sjálfbæra landnýtingu Skúli metinn hæfastur í Hæstarétt Breytingar í borholum á Reykjanesi „Sjálfum leiðast mér þessar nasistalíkingar“ Lögreglan lýsti eftir fimmtán ára gamalli stúlku Hafa náð lendingu um staðarval nýs kirkjugarðs Lilja fundar með RÚV um „nýlenskuna“ Katrín leiðir í nýrri könnun Prósents „Viðurkenning á því að þetta er blaðamennska sem hann var að stunda“ Þolinmæði saminganefnda á þrotum Gæsluvarðhald yfir Davíð Viðarssyni framlengt 80 til 120 herskip lágu í Hvalfirði Sjá meira