Daft Punk platan Discovery endurútsett á orgel í Laugarneskirkju Sylvía Rut Sigfúsdóttir skrifar 11. júní 2021 14:31 Kristján Hrannar Pálsson ætlar að flytja lög Daft Punk á kirkjuorgel. Þann 16. júní næstkomandi gefst tónlistarunnendum tækifæri til að hlusta á plötuna Discovery endurútsetta fyrir orgel, þar sem organistinn Kristján Hrannar Pálsson leikur plötuna í gegn, lag fyrir lag, á kirkjuorgel Laugarneskirkju. „Platan Discovery með franska rafdúóinu Daft Punk er án vafa ein áhrifamesta poppplata síðustu áratuga. Hún kom út árið 2001 og fagnar því tuttugu ára afmæli á árinu. Hljómsveitin er þekkt fyrir einstaklega vel smíðaðar arpeggíur og hljóðsömpl og má kalla plötuna eitt helsta flaggskip sveitarinnar á löngum og farsælum ferli,“ segir í tilkynningu um viðburðinn. „Daft Punk hætti í lok árs 2020 og því er við hæfi að staldra við og heiðra sveitina, plötuna og stefnuna. Franskt rafpopp er einstakt á heimsvísu en sé litið nær má greina sterk áhrif úr orgeltónlist Frakka, en orgelið er jú kallað afi hljóðsynthans. Daft Punk aðdáendur mega alls ekki missa af þessum viðburði.“ Kristján Hrannar Pálsson er fæddur árið 1987 og býr í Reykjavík ásamt eiginkonu og tveimur börnum. Hann nam klassískan píanóleik frá sex ára aldri og jazzpíanóleik frá FÍH frá fjórtán ára aldri. Árið 2018 útskrifaðist hann sem organisti og kórstjóri frá Tónskóla Þjóðkirkjunnar. Síðan þá hefur hann starfað sem organisti og tónlistarstjóri Óháða safnaðarins og organisti Laugarneskirkju veturinn 2020-2021. Hann er starfandi organisti Grindavíkurkirkju veturinn 2021-2022. Árið 2013 gaf hann út rafpoppuðu plötuna Anno 2013, í samstarfi við Janus Rasmussen (Bloodgroup, Kiasmos) sem hlaut glæsilega dóma. 2016 kom út fyrsta verk hans um loftslagsbreytingar, Arctic Take One, sem fjallar um borgir og bæi við norðurskautið. Árið 2020 frumflutti hann orgelverk sitt, Tvær gráður (+2,0°C) í Hallgrímskirkju, sem hluta af Vetrarhátíð í Reykjavík. Kristján stofnaði Óháða kórinn árið 2018 sem hefur sungið með hljómsveitum á borð við HATARA. Hann stofnaði síðan Óháða kvartettinn/sextettinn árið 2019 sem syngur við athafnir af ýmsum toga. Tónlist Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
„Platan Discovery með franska rafdúóinu Daft Punk er án vafa ein áhrifamesta poppplata síðustu áratuga. Hún kom út árið 2001 og fagnar því tuttugu ára afmæli á árinu. Hljómsveitin er þekkt fyrir einstaklega vel smíðaðar arpeggíur og hljóðsömpl og má kalla plötuna eitt helsta flaggskip sveitarinnar á löngum og farsælum ferli,“ segir í tilkynningu um viðburðinn. „Daft Punk hætti í lok árs 2020 og því er við hæfi að staldra við og heiðra sveitina, plötuna og stefnuna. Franskt rafpopp er einstakt á heimsvísu en sé litið nær má greina sterk áhrif úr orgeltónlist Frakka, en orgelið er jú kallað afi hljóðsynthans. Daft Punk aðdáendur mega alls ekki missa af þessum viðburði.“ Kristján Hrannar Pálsson er fæddur árið 1987 og býr í Reykjavík ásamt eiginkonu og tveimur börnum. Hann nam klassískan píanóleik frá sex ára aldri og jazzpíanóleik frá FÍH frá fjórtán ára aldri. Árið 2018 útskrifaðist hann sem organisti og kórstjóri frá Tónskóla Þjóðkirkjunnar. Síðan þá hefur hann starfað sem organisti og tónlistarstjóri Óháða safnaðarins og organisti Laugarneskirkju veturinn 2020-2021. Hann er starfandi organisti Grindavíkurkirkju veturinn 2021-2022. Árið 2013 gaf hann út rafpoppuðu plötuna Anno 2013, í samstarfi við Janus Rasmussen (Bloodgroup, Kiasmos) sem hlaut glæsilega dóma. 2016 kom út fyrsta verk hans um loftslagsbreytingar, Arctic Take One, sem fjallar um borgir og bæi við norðurskautið. Árið 2020 frumflutti hann orgelverk sitt, Tvær gráður (+2,0°C) í Hallgrímskirkju, sem hluta af Vetrarhátíð í Reykjavík. Kristján stofnaði Óháða kórinn árið 2018 sem hefur sungið með hljómsveitum á borð við HATARA. Hann stofnaði síðan Óháða kvartettinn/sextettinn árið 2019 sem syngur við athafnir af ýmsum toga.
Tónlist Mest lesið Ofboðslega stolt af dóttur sinni Lífið Klæddu sig upp sem frambjóðendur Lífið „Ef við erum lausnamiðuð þá sköpum við tækifærin“ Lífið Bannaði Snorra að kjósa Arnar Þór Lífið Myndaveisla: Rosaleg stemming í kosningavökunum Lífið „Svo góð tilfinning að endurheimta sjálfa sig“ Tónlist Tvöföld veisla hjá Gnarr feðgum Lífið Davíð Helgason og Isabella eignuðust dreng Lífið Krakkatían: Forsetaefni, Disney og tónlist Lífið Fékk að heyra að konur ættu ekki heima á sjó Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira