Íslenski boltinn

Dregið í Mjólkurbikar kvenna: Valur og ÍBV mætast þriðja árið í röð

Sindri Sverrisson skrifar
Selfoss vann síðasta bikarúrslitaleik sem spilaður var, árið 2019, og er kominn í 8-liða úrslit nú.
Selfoss vann síðasta bikarúrslitaleik sem spilaður var, árið 2019, og er kominn í 8-liða úrslit nú. vísir/daníel

Dregið var í 8 liða úrslit Mjólkurbikars kvenna í fótbolta í dag í beinni útsendingu á Vísi og á Stöð 2 Sport.

Sex lið úr efstu deild og tvö lið úr næstefstu deild standa eftir í keppninni. Til stendur að 8-liða úrslitin verði spiluð 25. og 26. júní.

Átta liða úrslitin:

  • ÍBV – Valur
  • Selfoss – Þróttur R.
  • Fylkir – FH
  • Breiðablik – Afturelding

Selfoss hefur enn titil að verja eftir að hafa unnið keppnina 2019 en bikarkeppnin var ekki kláruð í fyrra vegna kórónuveirufaraldursins. Selfyssingar taka á móti Þrótti R. í öðrum af tveimur úrvalsdeildarslögum í 8-liða úrslitunum.

Hinn úrvalsdeildarslagurinn er á milli ÍBV og Vals sem mætast þriðja árið í röð í bikarkeppninni. Valskonur hafa slegið ÍBV út síðustu tvö ár og halda nú til Eyja rétt fyrir Þjóðhátíð.

Fylkir fær FH úr næstefstu deild í heimsókn, og Íslandsmeistarar Breiðabliks taka á móti Aftureldingu sem leikur í næstefstudeild.

Klippa: Dregið í 8 liða úrslit kvenna

Margrét Lára Viðarsdóttir og Klara Bjartmarz, framkvæmdastjóri KSÍ, sáu um bikardráttinn í dag og má sjá hann í heild sinni hér að ofan.

Helena Ólafsdóttir, Klara Bjartmarz og Margrét Lára Viðarsdóttir fengu sér mjólkursopa eftir að hafa dregið í Mjólkurbikarnum.vísir/Sigurjón



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.