„Ekki ólíklegt að það bætist eitthvað við af smitum“

Birgir Olgeirsson skrifar 13. maí 2021 18:01

Þrír greindust með veiruna á Sauðárkróki í gær en allir voru í sóttkví. Þrettán eru í einangrun í bænum en 256 eru í sóttkví.

Sveitarstjóri Skagafjarðar segir viðbúið að fleiri muni greinast næstu daga. 150 til 160 sýni voru send í greiningu í dag og annað eins af sýnum verða tekin á morgun.

„Og ekki ólíklegt að það bætist eitthvað við af smitum úr því,“ segir Sigfús Ingi Sigfússon sveitarstjóri.

Á meðan þeir sem greinast eru í sóttkví er Sigfús bjartsýnn á að það náist að hemja þessa hópsýkingu.

Hann vonast til að almannavarnir og aðgerðastjórn fundi um stöðu mála í bænum á laugardag og þá verði tekin ákvörðun um áframhaldandi sóttvarnaaðgerðir í ljósi ástandsins sem verður á þeim tíma.

Faraldur kórónuveiru (COVID-19) Skagafjörður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.