Erlent

Bættu við sig þingmanni og vantaði einn til að vera í meirihluta

Vésteinn Örn Pétursson skrifar
Nicola Sturgeon er leiðtogi Skoska þjóðarflokksins og forsætisráðherra skosku heimastjórnarinnar.
Nicola Sturgeon er leiðtogi Skoska þjóðarflokksins og forsætisráðherra skosku heimastjórnarinnar. Jeff J Mitchell/Getty

Skoski þjóðarflokkurinn vann sigur í þingkosningunum í Skotlandi sem fram fóru í gær, en endanleg úrslit kosninganna liggja nú fyrir. Flokkurinn bætti við sig einum þingmanni frá síðustu kosningum og er því með 64 þingmenn af 129.

Því vantaði flokkinn aðeins einn þingmann til þess að ná hreinum þingmeirihluta. Úrslit kosninganna eru engu að síður fagnaðarefni fyrir flokkinn, sem er fylgjandi sjálfstæði Skotlands frá Bretlandi. Skoski græningjaflokkurinn, sem er einnig fylgjandi sjálfstæði, fékk átta sæti, tveimur meira en á síðasta kjörtímabili. Því er þingmeirihluti fylgjandi sjálfstæði.

Íhaldsflokkurinn fékk 31 sæti, líkt og í síðustu kosningum, Verkamannaflokkurinn tapaði tveimur sætum og fékk 22 sæti. Þá töpuðu Frjálslyndir demókratar einu sæti og fá fjögur.

Nicola Sturgeon, forsætisráðherra skosku heimastjórnarinnar og leiðtogi Skoska þjóðarflokksins, sagði fyrr í dag að hún myndi berjast fyrir því að ráðist yrði í þjóðaratkvæðagreiðslu um sjálfstæði Skotlands í kjölfar kosninganna. Bori Johnson, forsætisráðherra Bretlands, hefur sagst ætla að koma í veg fyrir það.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×