Viðskipti innlent

Inn­flutningur á smokkum tók stökk í sam­komu­banni

Eiður Þór Árnason skrifar
Dæmi eru um að sala á smokkum hafi aukist mikið erlendis eftir afléttingu útgöngubanns og annarra sóttvarnaaðgerða.
Dæmi eru um að sala á smokkum hafi aukist mikið erlendis eftir afléttingu útgöngubanns og annarra sóttvarnaaðgerða. Getty/CatLane

Ríflega sex tonn af smokkum voru flutt inn til landsins árið 2020 og jókst magnið um 29,4% frá árinu á undan þegar innflutningur nam 4,6 tonnum. Miðað við að nettóþyngd hefðbundinnar Durex verju sé um 16,7 grömm má áætla að um 360 þúsund smokkar hafi verið innfluttir á síðasta ári.

Þetta kemur fram í samantekt Viðskiptablaðsins sem byggir á gögnum Hagstofu Íslands. Má því ætla að margir Íslendingar hafi nýtt tímann vel í samkomubanni og ekki síður gætt að persónulegum smitvörnum innanhúss.

Innflutningur jókst milli ára í átta mánuðum af tólf og fylgdi innflutningsmagn um það bil sömu árstíðasveiflum og árið 2019. Innflutningur á smokkum hefur farið hægar á stað það sem af er þessu ári miðað við árið í fyrra en er þó meiri en árið 2019.

Nam magnið tæpum 870 kílóum á fyrstu tveimur mánuðum 2021 samanborið við 1,1 tonn í fyrra og 457 kíló á sama tímabili 2019.

Kynlíf Samkomubann á Íslandi


Mest lesið


Fleiri fréttir

Sjá meira


×

Mest lesið