Auðjöfur í fangelsi vegna aðildar að mótmælunum í Hong Kong

Atli Ísleifsson skrifar 16. apríl 2021 09:15

Hinn 73 ára Jimmy Lai er stofnandi fjölmiðilsins Apple Daily og er harður andstæðingur kínverskra stjórnvalda. EPA

Dómstóll í Hong Kong hefur dæmt fjölmiðlamógúlinn og auðjöfurinn Jimmy Lai í tólf mánaða fangelsi eftir að hafa fundið hann sekan um að hafa brotið gegn reglum um samkomur.

Lai, sem hefur stutt við bakið á mótmælaaðgerðum lýðræðissinna í Hong Kong, var dæmdur fyrir aðild sína að fjölmennum mótmælum í Hong Kong árið 2019 að því er segir í frétt BBC.

Hinn 73 ára Lai er stofnandi fjölmiðilsins Apple Daily og er harður andstæðingur kínverskra stjórnvalda. Kínastjórn hefur síðustu misserin unnið skipulega að því að herða tök sín í Hong Kong.

Dómstóllinn dæmdi í morgun níu manns fyrir þátttöku sína í mótmælaaðgerðum 18. ágúst 2019. Þrír til viðbótar hlutu dóma fyrir mótmæli sem fram fóru síðasta dag ágústmánaðar sama ár.

Ákæran á hendur Lai var í átta liðum, meðal annars að hann hafi gerst brotlegur við nýleg öryggislög í Hong Kong sem banna allan áróður um aðskilnað Hong Kong frá Kína og áróður gegn Kínastjórn.

Kína Hong Kong

Tengdar fréttir

Fjölmiðlamógúll handtekinn í Hong Kong

Fjölmiðlamógúllinn Jimmy Lai, sem rekur öflugt fjölmiðlaveldi í Hong Kong, var handtekinn í nótt.

10. ágúst 2020 08:00

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.