Innlent

Ógnaði fólki í verslunum

Kjartan Kjartansson skrifar
Fangageymsla lögreglunnar á höfuðborgarsvæðinu hýsti meðal annars karlmann sem ógnaði fólki í verslunum í nótt.
Fangageymsla lögreglunnar á höfuðborgarsvæðinu hýsti meðal annars karlmann sem ógnaði fólki í verslunum í nótt. Vísir/Vilhelm

Karlmaður sem ógnaði starfsmönnum og viðskiptavinum í verslun í vesturhluta Reykjavíkur í gær gisti fangageymslur lögreglu í nótt. Hann er sagður hafa komið við sögu í fleiri slíkum málum fyrr um daginn.

Í dagbók lögreglunnar kemur fram að tilkynnt hafi verið um ógnanir mannsins klukkan 18:36 í gær. Maðurinn hafi verið í „mjög slæmu ástandi“ þegar lögregla hafði hendur í hári hans.

Á þriðja tímanum í nótt reyndi ökumaður sem lögreglumenn ætluðu að hafa afskipti af að reyna að komast undan lögreglu á tveimur jafnfljótum. Lögreglumenn hlupu manninn uppi og handtóku hann. Maðurinn er grunaður um akstur undir áhrifum áfengis og vímuefna.

Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið