Ekki hægt að bjóða upp á útivist strax án þess að ógna öryggi gesta Margrét Helga Erlingsdóttir skrifar 9. apríl 2021 12:52 Gylfi Þór Þorsteinsson umsjónarmaður farsóttarhúsa Rauða krossins. Stöð 2/Egill Gylfi Þór Þorsteinsson, umsjónarmaður farsóttarhúsa Rauða krossins, óttast að sóttvarnir á sóttkvíarhótelum séu foknar út í veður og vind með nýrri reglugerð sem heilbrigðisráðherra birti síðdegis í gær. Hann býst við umtalsvert fleiri gestum vegna strangari skilyrða fyrir heimasóttkví. Fulltrúar Rauða krossins og Sjúkratrygginga Íslands leita nú í sameiningu leiða til að uppfylla nýja reglugerð um sóttkví sem tók gildi á miðnætti. Snýr sú vinna einkum að því að tryggja gestum sóttkvíarhótela útivist, samkvæmt ákvæðum reglugerðarinnar. Þetta kallar á verulega breytt verklag og aukinn mannafla. Í tilkynningu segir að lagt sé kapp á að vinna þetta hratt og vel og að vænta megi frekari frétta á næstu 24-48 klukkustundum. „Meðan á þessari vinnu stendur er því miður ekki mögulegt að tryggja gestum tækifæri til útivistar þar sem slíkt myndi koma niður á sóttvarnarráðstöfunum og þar með ógna öryggi gesta sóttkvíarhússins í Þórunnartúni. Fulltrúar Rauða krossins og Sjúkratrygginga Íslands treysta á skilning gesta og samfélagsins alls á þessum tímabundnu óþægindum.“ Gylfi segir að þau eigi mikið og vandasamt verk fyrir höndum, enda hafi þau fundað fram á nótt og vaknað snemma til að finna lausnir. „Við óttumst að sóttvarnir á þessum hótelum sem við rekum séu svolítið foknar út um gluggann. Við þurfum að passa að gestir séu ekki að umgangast hvern annan. Þetta er fólk sem er að koma úr mismunandi flugferðum á misunandi dögum og ef upp kemur sýking meðal gesta hér þá hafa vinnubrögðin verið þau að umræddir gestir eru fluttir á Rauðarárstíg og herbergi þeirra sótthreinsað. Núna erum við hrædd um að sýktur einstaklingur gæti verið að blanda geði við aðra á göngum hótelsins eða í göngutúrum og þar af leiðandi dreift smiti og lengt sóttkví annarra og jafnvel smitað.“ Gylfi segir að erfitt sé að þurfa að framfylgja reglugerðinni með svo skömmum fyrirvara. „Við þurfum að gefa okkur næsta sólarhringinn eða tvo til að meta hvernig þetta er hægt og hvernig hægt sé að framkvæma þetta með þeim sóttvörnum sem við vinnum eftir. Til dæmis hér á Fosshótel Reykjavík þá erum við niður í miðbæ Reykjavíkur. Fólk sem fer út í göngutúra, hvert er það að fara? Hverja mun það umgangast, með vilja eða ekki? Því það er margt fólk hér í kring sem bæði býr og starfar hér.“ Gylfi vekur athygli á því að Fosshótel er í miðri borg þar sem fjöldi fólks býr og starfar. Erfitt sé að sleppa sóttkvíarhótelgestum lausum í göngutúr í hverfinu.Vísir/Egill Nýja reglugerðin kveður á um að komufarþegar þurfa að uppfylla mun strangari skilyrði til að mega vera í heimasóttkví. Gylfi telur að það muni verða til þess að gestum fjölgi umtalsvert. Þessa stundina dvelja 170 gestir á sóttkvíarhótelinu í miðborginni og von er á fleiri gestum í dag. „Ég sé fyrir mér að það muni fjölga mjög mikið og þá kallar það á annað vandamál. Og munið, vandamál eru mál sem þarf að vanda sig við. Við þurfum að ráða enn fleira starfsfólk til að halda utan um fleiri hótel. Hér á Fosshótel erum við með 70 starfsmenn sem skiptast á á vöktum en ef útivist bætist við þá þurfum við hugsanlega að bæta við 20-30 starfsmönnum á vakt til að geta fylgst með þeim sem eru að koma og fara og skrá niður. Þetta er gífurlega mannfrekt fyrirkomulag ef við þurfum að taka á móti svona mörgum bæði Íslendingum og erlendum ferðamönnum.“ „Stjórnvöld eru að gera sitt besta og hafa staðið sig mjög vel en það er nú bara stundum þannig að þegar maður hleypur hratt þá stundum skrikar manni fótur og maður hrasar. Þá er ekkert annað í stöðunni en að standa upp, dusta af sér rykið og halda aftur af stað en fara aðeins varlegar.“ Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Fulltrúar Rauða krossins og Sjúkratrygginga Íslands leita nú í sameiningu leiða til að uppfylla nýja reglugerð um sóttkví sem tók gildi á miðnætti. Snýr sú vinna einkum að því að tryggja gestum sóttkvíarhótela útivist, samkvæmt ákvæðum reglugerðarinnar. Þetta kallar á verulega breytt verklag og aukinn mannafla. Í tilkynningu segir að lagt sé kapp á að vinna þetta hratt og vel og að vænta megi frekari frétta á næstu 24-48 klukkustundum. „Meðan á þessari vinnu stendur er því miður ekki mögulegt að tryggja gestum tækifæri til útivistar þar sem slíkt myndi koma niður á sóttvarnarráðstöfunum og þar með ógna öryggi gesta sóttkvíarhússins í Þórunnartúni. Fulltrúar Rauða krossins og Sjúkratrygginga Íslands treysta á skilning gesta og samfélagsins alls á þessum tímabundnu óþægindum.“ Gylfi segir að þau eigi mikið og vandasamt verk fyrir höndum, enda hafi þau fundað fram á nótt og vaknað snemma til að finna lausnir. „Við óttumst að sóttvarnir á þessum hótelum sem við rekum séu svolítið foknar út um gluggann. Við þurfum að passa að gestir séu ekki að umgangast hvern annan. Þetta er fólk sem er að koma úr mismunandi flugferðum á misunandi dögum og ef upp kemur sýking meðal gesta hér þá hafa vinnubrögðin verið þau að umræddir gestir eru fluttir á Rauðarárstíg og herbergi þeirra sótthreinsað. Núna erum við hrædd um að sýktur einstaklingur gæti verið að blanda geði við aðra á göngum hótelsins eða í göngutúrum og þar af leiðandi dreift smiti og lengt sóttkví annarra og jafnvel smitað.“ Gylfi segir að erfitt sé að þurfa að framfylgja reglugerðinni með svo skömmum fyrirvara. „Við þurfum að gefa okkur næsta sólarhringinn eða tvo til að meta hvernig þetta er hægt og hvernig hægt sé að framkvæma þetta með þeim sóttvörnum sem við vinnum eftir. Til dæmis hér á Fosshótel Reykjavík þá erum við niður í miðbæ Reykjavíkur. Fólk sem fer út í göngutúra, hvert er það að fara? Hverja mun það umgangast, með vilja eða ekki? Því það er margt fólk hér í kring sem bæði býr og starfar hér.“ Gylfi vekur athygli á því að Fosshótel er í miðri borg þar sem fjöldi fólks býr og starfar. Erfitt sé að sleppa sóttkvíarhótelgestum lausum í göngutúr í hverfinu.Vísir/Egill Nýja reglugerðin kveður á um að komufarþegar þurfa að uppfylla mun strangari skilyrði til að mega vera í heimasóttkví. Gylfi telur að það muni verða til þess að gestum fjölgi umtalsvert. Þessa stundina dvelja 170 gestir á sóttkvíarhótelinu í miðborginni og von er á fleiri gestum í dag. „Ég sé fyrir mér að það muni fjölga mjög mikið og þá kallar það á annað vandamál. Og munið, vandamál eru mál sem þarf að vanda sig við. Við þurfum að ráða enn fleira starfsfólk til að halda utan um fleiri hótel. Hér á Fosshótel erum við með 70 starfsmenn sem skiptast á á vöktum en ef útivist bætist við þá þurfum við hugsanlega að bæta við 20-30 starfsmönnum á vakt til að geta fylgst með þeim sem eru að koma og fara og skrá niður. Þetta er gífurlega mannfrekt fyrirkomulag ef við þurfum að taka á móti svona mörgum bæði Íslendingum og erlendum ferðamönnum.“ „Stjórnvöld eru að gera sitt besta og hafa staðið sig mjög vel en það er nú bara stundum þannig að þegar maður hleypur hratt þá stundum skrikar manni fótur og maður hrasar. Þá er ekkert annað í stöðunni en að standa upp, dusta af sér rykið og halda aftur af stað en fara aðeins varlegar.“
Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Ögurstund og opnunarhóf hjá frambjóðendum Innlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira