Handbolti

Ómar markahæstur í öruggum sigri gegn Viggó og félögum

Arnar Geir Halldórsson skrifar
Ómar Ingi fagnar marki fyrr á leiktíðinni en hann lék á alls oddi í dag.
Ómar Ingi fagnar marki fyrr á leiktíðinni en hann lék á alls oddi í dag. Uwe Anspach/Getty

Tvær íslenskar hægri skyttur áttust við í þýsku úrvalsdeildinni í handbolta í dag þegar Stuttgart fékk Magdeburg í heimsókn.

Ómar Ingi Magnússon leikur fyrir Magdeburg og Viggó Kristjánsson fyrir Stuttgart. Eru þeir alla jafna í lykilhlutverki í sóknarleik síns liðs og það var uppi á teningnum í dag.

Ómar Ingi endaði leikinn sem markahæsti maður vallarins með níu mörk en leiknum lauk með tíu marka sigri Magdeburg, 22-32, eftir að þeir höfðu leitt leikinn í leikhléi, 14-16.

Viggó var markahæstur í liði Stuttgart, skoraði fjögur mörk úr fimm skotum.

Þýski handboltinn

Mest lesið


Fleiri fréttir

Sjá meira


×

Mest lesið