Körfubolti

Í fjögurra leikja bann fyrir tilraun til að fella barn

Sindri Sverrisson skrifar
Szymon Eugieniusz Nabakowski var rekinn af velli eftir að hafa brugðið fæti fyrir leikmann ÍR.
Szymon Eugieniusz Nabakowski var rekinn af velli eftir að hafa brugðið fæti fyrir leikmann ÍR.

Szymon Eugieniusz Nabakowski, fyrrverandi þjálfari í yngri flokkum Skallagríms í körfubolta, var úrskurðaður í fjögurra leikja bann vegna atviks sem leiddi til þess að hann hætti þjálfun hjá félaginu.

Aga- og úrskurðarnefnd KKÍ tók málið fyrir á þriðjudag ásamt tveimur öðrum málum.

Szymon fékk bannið fyrir tilraun til að fella leikmann ÍR þann 23. febrúar. Hann var rekinn af velli vegna atviksins og hætti í kjölfarið sem þjálfari hjá Skallagrími.

Aganefnd bendir á að tilraun til líkamsmeiðingar kalli á að minnsta kosti þriggja leikja bann. Nefndin lítur auk þess til þess að Szymon sé í ábyrgðarstöðu sem þjálfari og að brotaþoli sé barn.

Aganefnd studdist við myndband af atvikinu. Engar athugasemdir bárust frá Skallagrími áður en úrskurðurinn var kveðinn upp.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.