Viðskipti innlent

Einn dregur fram­boð sitt til stjórnar Icelandair til baka

Atli Ísleifsson skrifar
Aðalfundur Icelandair Group er haldinn rafrænt á morgun.
Aðalfundur Icelandair Group er haldinn rafrænt á morgun. Vísir/Vilhelm

Martin J. St. George hefur dregið framboð sitt til stjórnar Icelandair Group til baka, en eftir standa þá átta frambjóðendur.

Þetta kemur fram í tilkynningu Icelandair Group til Kauphallarinnar í gærkvöldi, en aðalfundur félagsins er haldinn rafrænt á morgun.

Martin J. St. George er framkvæmdastjóri hjá flugfélaginu LATAM í Suður-Ameríku en hefur áður starfað meðal annars hjá United Airlines, Norwegian og jetBlue. Hann var síðastur til að tilkynna um framboð sitt til stjórnar Icelandair, en í tilkynningunni er ekkert gefið upp um ástæðu þess að hann hafi nú dregið framboðið til baka.

Frambjóðendur til stjórnar Icelandair Group eru þá átta: Guðmundur Hafsteinsson, John F. Thomas, Nina Jonsson, Steinn Logi Björnsson, Sturla Ómarsson, Svafa Grönfeldt, Úlfar Steindórsson og Þórunn Reynisdóttir.

Fimm eiga sæti í stjórninni, en núverandi stjórnarmenn bjóða sig öll fram til endurkjörs, það er þau Úlfar, Svafa, Guðmundur, John F. Thomas og Nina Jonsson.

Icelandair Fréttir af flugi Markaðir

Tengdar fréttir



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið