Heimsmarkmiðin

Úttekt á samstarfi við frjáls félagasamtök

Heimsljós
Viðkvæmustu hópar fátækra samfélaga njóta góðs af samstarfi við frjáls félagasamtök. 
Viðkvæmustu hópar fátækra samfélaga njóta góðs af samstarfi við frjáls félagasamtök.  gunnisal

Samstarf utanríkisráðuneytisins við félagasamtök á sviði þróunarsamvinnu og mannúðaraðstoðar hafa tekist vel en tækifæri eru enn til frekari umbóta.

Niðurstöður nýrrar óháðrar úttektar á samstarfi utanríkisráðuneytisins við frjáls félagasamtök á sviði þróunarsamvinnu og mannúðaraðstoðar benda til þess að margt hafi tekist vel í samstarfinu en jafnframt að frekari tækifæri séu til staðar til umbóta. Úttektin sýnir að rík áhersla hafi verið á að ná til þeirra allra fátækustu í verkefnum frjálsra félagasamtaka, auk þess sem samvinnan hafi verið sniðin að þörfum viðkvæmra hópa.

Samstarf við frjáls félagasamtök hefur verið mikilvægur þáttur í þróunarsamvinnu Íslands um langt árabil. Frá árinu 2015 hafa framlög Íslands til frjálsra félagsamtaka vegna þróunarsamvinnu- og mannúðarverkefna numið tæplega 1,9 milljörðum króna. Hartnær 100 verkefni verið fjármögnuð, auk 19 mannúðar­verkefna í gegnum rammasamning við Rauða krossinn á Íslandi. Átján íslensk frjáls félagasamtök hafa notið stuðnings til verkefna í 32 löndum frá árinu 2015.

Ráðgjafafyrirtækið NIRAS lauk nýverið óháðri úttekt á samstarfinu sem beindist að vinnulagi, stefnumiðum og ramma­samningi. Auk þess að benda á að margt hafi tekist vel í samstarfinu og tækifærum til umbóta segir í úttektinni að ramma­samningur við Rauða krossinn á Íslandi hafi gefist vel. Því sé ástæða til að skoða frekari nýtingu ramma­samninga í samstarfi ráðuneytisins við frjáls félagasamtök, bæði í mannúðar­aðstoð og í þróunar­­samvinnu.

Í úttektinni eru auk þess gerðar tillögur um skýrari stefnumið og samráði um mótun þeirra, einföldun á vinnuferlum, samvinnu og samtali milli aðila á breiðari grunni, aukinnar samhæfingar og samfellu í starfi.

Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.