Erlent

109 starfsmenn greinst í hópsmiti á skíðasvæði

Hólmfríður Gísladóttir skrifar
Covid-19 hefur víða sett strik í reikninginn hjá áhugafólki um vetraríþróttir.
Covid-19 hefur víða sett strik í reikninginn hjá áhugafólki um vetraríþróttir.

Hópsmit er komið upp á skíðasvæði í Colorado í Bandaríkjunum en að minnsta kosti 109 starfsmenn hafa greinst með Covid-19. Heilbrigðisyfirvöld segja ekki um að ræða smit vegna samskipta við kúnna, heldur samgang utan vinnu og hópbúsetu.

Skíðavertíðin er í hámarki í Colorado og önnur svæði hafa tilkynnt um Covid-19 smit en hópsmitið í Winter Park er það umfangsmesta sem upp hefur komið.

Að sögn samskiptastjóra skíðasvæðisins hefur verið gripið til ýmissa ráðstafana til að takmarka smit, meðal annars endurskoða reglur í kringum lyfturnar, koma upp áminningum um grímuskyldu, bókunarfyrirkomulag til að takmarka fjölda og sýnatökur meðal starfsmanna.

Gestir segja þó nokkurn misbrest á því að grímuskyldunni sé framfylgt.

CNN hefur eftir fjölmiðlafulltrúa ríkisstjóra Colorado að skíðasvæðin þurfi að gera meira til að skipuleggja og höndla aukna aðsókn um helgar.

Bólusetningar standa nú yfir víðsvegar um Bandaríkin en fjöldi fólks hættir enn á smit þegar það mætir til starfa. Amazon greindi frá því í október síðastliðnum að næstum 20 þúsund starfsmenn hefðu greinst með Covid-19.

Þá hafa sum fyrirtæki gripið til þess að greiða starfsmönnum bónusa fyrir að láta bólusetja sig.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.