Innlent

Fyrsti hópurinn sem var út­skrifaður af Reykja­lundi á enn eftir að ná sér

Birgir Olgeirsson skrifar
Stefán Yngvason, framkvæmdastjóri lækninga á Reykjalundi.
Stefán Yngvason, framkvæmdastjóri lækninga á Reykjalundi. Vísir/Arnar

Fyrsti hópurinn hefur verið útskrifaður úr sex vikna meðferð á Reykjalundi en á enn eftir að ná sér að fullu.

Þrjátíu manns eru nú til meðferðar á Reykjalundi við langvarandi einkennum Covid en 25 voru nýverið útskrifaðir úr slíkri meðferð.

Flestir sem leita til Reykjalundar vegna eftirkasta Covid eru á aldrinum fjörutíu til sextíu ára, sá elsti er um áttrætt en sá yngsti um þrítugt.

„Fólki líður illa, það er þreytt, er með mæði, verki, ýmis einkenni. Margir tala um heilaþoku, mikla örmögnun og rauði þráðurinn þar er bara minnkuð starfsgeta,“ segir Stefán Yngvason, framkvæmdastjóri lækninga á Reykjalundi.

Heilaþokan lýsir sér þannig að fólki þrýtur þrek til að hugsa eða starfa eins og það er vant. Flestir sem koma til Reykjalundar hafa verið frá vinnu í að minnsta kosti þrjá mánuði.

Þrjátíu manns eru nú til meðferðar á Reykjalundi vegna eftirkasta Covid-19.Vísir/Arnar

„Hluti af þessu er að margir hafa mjög mikið óþol fyrir áreynslu og það tekur tíma. Ef þeir reyna mjög mikið á sig geta þeir verið algjörlega örmagna allan daginn á eftir. Þannig að þetta geta verið mjög dramatísk einkenni sem fólk upplifir,“ segir Stefán.

Stefán segir eftirköstin ekki í neinu samhengi við upphaflegu veikindin. Sumir hafi verið með mjög lítil einkenni í upphafi en glíma við alvarleg langvinn eftirköst.

„Það er vel þekkt að margar veirusýkingar geta haft svipuð einkenni og langvarandi þreytu og erfiðleikaeinkenni, sem eru vel þekkt. Covid virðist vera nokkuð öðruvísi að þessu leyti og vera erfiðara en margar aðrar veirusýkingar.“

Meðferðin á Reykjalundi tekur sex vikur þar sem fólk nær ekki fullum bata, heldur öðlast færni til að takast á við einkennin.


Tengdar fréttir

„Núna erum við að ljúka mjög erfiðri lotu“

Víðir Reynisson, yfirlögregluþjónn hjá almannavarnadeild ríkislögreglustjóra, segir að það sem standi upp úr fyrir honum í baráttunni við kórónuveiruna síðasta árið sé samstaða þjóðarinnar.

100 ára og finnur engin eftirköst kórónuveirunnar

Guðrún Valdimarsdóttir, sem er að vera hundrað og eins árs og býr á Sólvöllum á Eyrarbakka segist ekki finna nein eftirköst af Kórónuveirunni, sem hún fékk í vetur. Hún styttir sér stundir með að fara með ljóð eftir sjálfan sig en Guðrún er mjög hagmælt og hefur gefið út ljóðabók.

Á­hyggju­efni að færri fari í sýna­töku

Víðir Reynisson yfirlögregluþjónn segir fulla ástæðu til að gleðjast yfir þeim árangri sem hefur náðst í baráttunni við kórónuveiruna í þessari þriðju bylgju faraldursins. Enginn smit greindust innanlands í gær, en hátt í sjö hundruð fóru í sýnatöku.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.