Viðskipti innlent

Loðnustofninn metinn nægilega sterkur til að hefja loðnuveiðar

Kristján Már Unnarsson skrifar
Rannsóknaskipin Bjarni Sæmundsson og Árni Friðriksson við höfuðstöðvar Hafrannsóknastofnunar í Hafnarfirði.
Rannsóknaskipin Bjarni Sæmundsson og Árni Friðriksson við höfuðstöðvar Hafrannsóknastofnunar í Hafnarfirði. Stöð2/Egill Aðalsteinsson

Loðnuveiðar íslenskra skipa geta hafist að nýju eftir tveggja ára hlé, samkvæmt nýju mati Hafrannsóknastofnunar á ástandi loðnustofnsins, sem birt var í dag, eftir mælingar á loðnutorfum sem fundust á Austfjarðamiðum um síðustu helgi. Stofnunin leggur til að veiðikvóti verði aukinn úr 22 þúsund tonnum upp í 54.200 tonn, sem dugar til að hægt verði að gefa út kvóta til íslenskra skipa.

Athygli vekur að Hafrannsóknastofnun telur loðnuna sem fannst fyrir austan vera hreina viðbót við það sem áður var búið að mæla.

Svona birtast loðnutorfurnar sem mældust á Austfjarðamiðum dagana 17. - 20. janúar á teikningu sérfræðinga Hafrannsóknastofnunar.Hafrannsóknastofnun

„Það eru taldar yfirgnæfandi líkur að loðnan austan við land hafi ekki verið hluti af mælingunni fyrr í mánuðinum," segir stofnunin í tilkynningu.

Búist er við að Kristján Þór Júlíusson sjávarútvegsráðherra muni á mánudag gefa út nýjan loðnukvóta á grundvelli þessa nýja mats. Innan sjávarútvegsins eru væntingar um að þetta sé bara byrjunin og að frekari loðnuleit muni skila mun meiri kvóta.

Samkvæmt milliríkjasamningum eiga Norðmenn, Grænlendingar og Færeyingar rétt á hlutdeild í kvótanum með ákveðnum forgangi. Þannig má ætla að um þrjátíu þúsund tonn af þessum upphafskvóta fari til þeirra en allt umfram það til íslenskra skipa.

Hafrannsóknastofnun áformar að senda rannsóknaskipið Árna Friðriksson af stað í næstu loðnuleit strax á sunnudag og gerir ráð fyrir að fá einnig tvö til þrjú veiðiskip með í leiðangurinn eftir helgi. Þá er áformað að leita betur að loðnu úti fyrir Norðurlandi og einnig vonast menn til að hafís hafi hopað af svæðum sem ekki tókst að skoða á Grænlandssundi í byrjun janúar.

„Er þá markmiðið að fara yfir svæðið norðan við yfirferðina sem skipin náðu að ljúka áður en þau þurftu frá að hverfa í vikunni, sem og útbreiðslusvæðið fyrir norðan og norðvestanlands. Vænst er til þess að fá með þessu móti heildarmælingu á stærð stofnsins og verður ráðgjöfin endurskoðuð með tilliti til þess," segir Hafrannsóknastofnun.

Hér má sjá fréttatilkynningu Hafrannsóknastofnunar.


Tengdar fréttir

Fyrsta loðnan veiðist á Íslandsmiðum í þrjú ár

Fyrsta loðnan sem veiðist á Íslandsmiðum í þrjú ár fékkst á Austfjarðamiðum í gærkvöldi þegar grænlenska skipið Polar Amaroq fékk milli tuttugu og þrjátíu tonn í einu kasti. Síldarvinnslan í Neskaupstað á þriðjungshlut í grænlensku útgerðinni en yfirmenn um borð eru íslenskir.

Klárir að taka loðnunótina um borð og halda til veiða

Skipstjórinn sem fann þykkar loðnutorfur á Austfjarðamiðum um helgina segir áhöfnina tilbúna að hefja veiðar. Búist er við að það skýrist á morgun hvort Hafrannsóknastofnun gefi grænt ljós á loðnuvertíð.

Segir mikilvægt að kanna einnig hvort loðna sé fyrir Norðurlandi

Loðnuleitin á Austfjarðamiðum hefur haldið áfram í dag. Uppsjávarveiðiskipin þrjú, Ásgrímur Halldórsson, Polar Amaroq og Bjarni Ólafsson, með starfsmenn Hafrannsóknastofnunar um borð í tveimur fyrrnefndu, hafa verið að skanna hafsvæðið norður með landgrunnskantinum út af Austfjörðum.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
TM
3,28
1
20.790
SIMINN
0,31
5
142.885
ORIGO
0,25
6
1.603
VIS
0
4
5.770

Mesta lækkun dagsins


Félag
Br.%
Fjöldi
Velta*
ICEAIR
-5,46
120
134.047
MAREL
-2,01
30
355.290
EIM
-1,71
8
67.131
REITIR
-1,67
7
77.393
ARION
-1,6
17
409.516
Velkomin á Vísi. Þessi vefur notar vafrakökur. Sjá nánar.