Guðmundur Felix fer líklega af gjörgæslu í dag

Sunna Kristín Hilmarsdóttir skrifar 22. janúar 2021 08:38

Guðmundur Felix gekkst undir stóra aðgerð í síðustu viku þar sem græddir voru á hann nýir handleggir. Vísir

Guðmundur Felix Grétarsson, sem gekkst undir handleggjaágræðslu í Lyon í Frakklandi í síðustu viku, verður líklegast útskrifaður af gjörgæslu í dag.

Þetta kemur fram í færslu á Facebook-síðu Guðmundar. Þar segir að bataferlið gangi vel og að einungis smávægilegar aukaverkanir hafi komið fram.

Vonast sé til þess að komist á fætur í fyrsta sinn í dag frá því hann gekkst undir aðgerðina og þá vonar Guðmundur Felix að hann geti haldið stuttan blaðamannafund með íslenskum fjölmiðlum í gegnum netið síðar í dag.

Things are progressing well. Only minor complications so far. He is expected to be discharged from...
Posted by Felix Gretarsson - Coaching on Thursday, January 21, 2021

Þá má búast við því að spítalinn þar sem hann gekkst undir aðgerðina gefi frá sér yfirlýsingu í dag.

Guðmundur var aðeins 26 ára þegar hann missti báða handleggina í vinnuslysi. Hann starfaði þá sem rafvirki og hafði verið að vinna við háspennulínu skammt frá Hafravatni þegar hann varð fyrir raflosti og slasaðist lífshættulega. Hann hefur verið opinskár um slysið í gegnum tíðina og hafði verið á biðlista eftir aðgerð í fimm ár.

Heilbrigðismál Handleggir græddir á Guðmund Felix

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.