Fjórir greindust með veiruna innanlands í gær

Þetta kemur fram í uppfærðum tölum á covid.is. Tveir þeirra sem greindust voru í sóttkví og tveir utan sóttkvíar. Þá greindust sex á landamærunum. Tveir þeirra eru með virkt smit og hinir fjórir bíða mótefnamælingar.

Alls voru tekin 482 einkennasýni, 518 sýni landamæraskimun og 25 sýni í sóttkvíar- og handahófsskimun.

Nýgengi innanlandssmita er nú 16,1 og nýgengi landamærasmita er 26,2. 143 eru í einangrun og 177 í sóttkví. 1.226 eru í skimunarsóttkví. Nítján manns eru á sjúkrahúsi.

Fréttin hefur verið uppfærð.