Sprengisandur: Er enginn óhultur ef tæknifyrirtækin grípa til sinna ráða?

Vésteinn Örn Pétursson skrifar 17. janúar 2021 09:31

Þjóðmálaþátturinn Sprengisandur er á dagskrá Bylgjunnar frá klukkan tíu til tólf í dag. Einnig má hlýða á þáttinn í spilaranum hér að neðan.

Auður Tinna Aðalbjarnardóttir lögmaður og Jón Ólafsson prófessor ætla að tala um tjáningarfrelsið - gerði Twitter rétt í að loka á Trump og er þá enginn óhultur ef tæknifyrirtækin grípa til sinna ráða?

Jón Gunnarsson alþingismaður og Margrét Tryggvadóttir rithöfundur, fyrrverandi alþingiskona og þátttakandi í Búsáhaldabyltingunni ætla að rökræða hvort innrásin í þinghúsið í Washington sé í eðli sínu náskyld Búsáhaldabyltingunni.

Sigmundur Davíð Gunnlaugsson og Logi Einarsson, flokksformenn báðir, ætla að mætast og rökræða leiðina áfram. Er það leið Sigmundar eða er það leið Loga, að minnsta kosti fara þeir ekki í leiðangur saman, það hefur formaður Samfylkingarinnar þegar sagt.

Kristján Guy Burgess, sérfræðingur í alþjóðamálum ætlar að svara því hver raunveruleg áhrif Donalds Trumps í alþjóðamálum, hafa verið og þá sérstaklega hvort þau hafi haft einhver áhrif á utanríkisstefnu annarra þjóða, þar með talið Íslendinga.

Sprengisandur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.