Kvöldfréttir Stöðvar 2

Þá ræðum við við Jóhannes Þór Skúlason, framkvæmdastjóra Samtaka ferðaþjónustunnar, í beinni útsendingu um áætlun stjórnvalda um að koma á litakóðakerfi á landamærum.

Við segjum frá því að stjórnvöld í Bretlandi bönnuðu í dag komur ferðamanna frá Suður-Ameríku vegna nýs brasilísks afbrigðis kórónuveirunnar.

Fjallað verður um það að tvö þúsund sýni úr leghálsskimunum fyrir krabbameini hafa legið vikum saman óhreyfð í kössum vegna skorts á samningum. Skimunin var færð frá Krabbameinsfélaginu til heilsugæslustöðva í byrjun árs.

Við verðum svo í beinni útsendingu frá Skautahöllinni í Reykjavík. Höllin er farin að iða aftur af lífi en hún var opnuð aftur fyrir almenningi í vikunni.

Þetta og margt fleira í kvöldfréttum Stöðvar 2 sem hefst á samtengdum rásum Stöðvar 2, Vísis og Bylgjunnar klukkan 18:30.