Óvíst hvort Shevchenko leikur á HM

Óvíst er hvort Andriy Shevchenko, leikmaður Úkraínu og AC Milan, leikur á HM í Þýskalandi í næsta mánuði. Shevchenko kvað sjálfur upp úr með það að hann gæti ekki leikið á móti Costa Rica á sunnudag, en hann meiddist á hné í byrjun maí.

"Heilsa mín lagast með hverjum degi sem líður, en ég má ekki flýta mér of mikið," sagði Shevchenko. Hann er nú kominn til Milan á ný þar sem læknar liðsins meta möguleika hans á þátttöku í HM.

Shevchenko meiddist á hné í leik á móti Parma í Ítölsku deildinni en var engu að síður valinn í Úkraínska landsliðið. Vonir eru bundnar við að Shevchenko geti leikið í undankeppninni, en fjarvera hans yrði mikið áfall fyrir landsliðið, ekki síst þar sem félagi hans í landsliðinu, Sergiy Fedorov, leikmaður Dynamo Kyve getur ekki leikið með vegna meiðsla.

Forráðamenn Chelsea eru nú á höttunum eftir Shevchenko og hefur leikmaðurinn gefið það út hann gæti farið frá San Siro vegna fjölskylduástæðna. Ákvörðun um framtíð sína ætlar Shevchenko að gefa út 24. eða 25. maí.