Sportið í dag: Böðvar frá KR, lyfjamál, pílukast og Kári í skúrnum

Kjartan Atli Kjartansson og Henry Birgir Gunnarsson eru í sumarskapi og bjóða upp flottan þátt af Sportinu í dag. Að venju hefst þátturinn klukkan 15:00.

Böðvar Guðjónsson, formaður körfuknattleiksdeildar KR, kemur í stólinn en það er maður sem liggur ekki á skoðunum sínum. 

Birgir Sverrisson hjá Lyfjaeftirliti Íslands fer yfir stöðu lyfjamála á þessum fordæmalausu tímum. 

Svo verður hitað upp fyrir pílumótið í kvöld og einnig verður kíkt í nýjan og glæsilegan búningsklefa hjá handknattleiksliði FH. 

Að lokum verður Kári Kristján Kristjánsson með innslag úr skúrnum góða í Eyjum.