EM kvenna: Hvernig er staðan í riðlunum fyrir lokaumferðina?

Síðustu leikirnir í riðlakeppni Evrópumóts kvennalandsliða í handknattleik fara fram í dag og á morgun. Alls eru 16 lið sem taka þátt og leika þau í fjórum fjögurra liða riðlum og komast þrjú efstu liðin úr hverjum riðli í milliriðil. Það liggur nokkuð ljóst fyrir hvaða lið komast áfram í milliriðil en spennan er enn til staðar fyrir lokaumferðina.

Í A-riðili eru Danir efstir með 4 stig eftir tvo sigurleiki. Rúmenía og Spánn koma þar á eftir með 2 stig en Serbar eru á botninum án stiga. Í dag leika Danir gegn Spánverjum og Rúmenar mæta Serbum. Þessi riðill er leikinn í Álaborg í Danmörku.

Danmörk 4 stig

Rúmenía 2 stig

Spánn 2 stig

Serbía 0 stig.

B-riðill í Århus í Danmörku

Í B-riðli er Svartfjallaland með fullt hús stiga eða 4 eftir tvo leiki. Króatía og Rússland eru með 2 stig, Ísland er án stiga. Á morgun eigast við Svartfjallaland og Króatía, og Ísland mætir heimsmeistaraliði Rússlands en þessi riðill fer fram í Århus í Danmörku.

Svartfjallaland 4

Króatía 2

Rússland 2

Ísland 0

Alls komast sex lið áfram úr A og B riðli í milliriðilinn sem fram fer í Herning í Danmörku.

C-riðill í Larvik í Noregi

Í C-riðli ráðast úrslitin í dag. Svíar eru efstir með 4 stig, Holland og Þýskaland eru með 2 stig og Úkraína er án stiga. Í dag eigast við Svíþjóð og Holland og Þýskaland mætir Úkraínu. C-riðill EM er leikinn í Larvik í Noregi.

Svíþjóð 4

Holland 2

Þýskaland 2

Úkraína 0

D-riðill í Lillehammer í Noregi

Í D-riðli eru Noregur og Ungverjaland með 4 stig en þessi lið mætast í úrslitaleik um efsta sætið í Lillehammer í Noregi í dag. Frakkar og Slóvenar mætast einnig en þessi lið eru án stiga og keppa um þriðja sætið sem gefur farseðil í milliriðil.

Ungverjaland 4

Noregur 4

Frakkland 0

Slóvenía 0

Alls komast sex lið áfram úr D og C riðli í milliriðilinn sem fram fer í Lillehammer í Noregi.

Undanúrslitin fara fram 18. desember í Herning í Danmörku og úrslitaleikurinn fer fram daginn eftir í Herning.