Alicja Lei frá Travelade til Meniga

Alicja Lei hefur verið ráðin í markaðsdeild fjártæknifyrirtækisins Meniga. Ráðning hennar er sögð, í vistaskiptatilkynningu frá fyrirtækinu, styrkja Meniga í þeim erlendum verkefnum sem eru á borði fyrirtækisins. Fjármálabúnaður Meniga er nú aðgengilegur í 30 löndum og hefur fyrirtækið opnað skrifstofur í Lundúnum, Stokkhólmi, Varsjá, Barcelona og Singapúr, auk höfuðstöðvanna í Kópavogi.

Í fyrrnefndri tilkynningu er ferill Alicju rakinn. Þar segir að hún sé fædd og uppalin í Kanada en að hún hafi lært og starfað í Bandaríkjunum, Englandi og á Íslandi undanfarin 3 ár. Hún hafi unnið í markaðsdeild útivistarmerkisins Helly Hansen um nokkurt skeið en eftir að hafa flutt til Íslands hafi hún tekið við starfi vörumerkjastjóra fyrirtækisins Travelade.

Alicja er gift Arnþóri Heimissyni, fjármálastjóra hjá Röfnum, en hann á eina dóttur.