Þakkir fyrir umönnun á Fosshótel Lind Kjartan Almar Kárson skrifar 19. apríl 2020 17:00 Nú er liðið að lokum á áhugaverðri lífsreynslu í lífi mínu. Eftir að hafa verið greindur með Covid-19 veiruna hef ég síðastliðnar tvær vikur verið einangraður innan veggja þriggja stjörnu herbergis á FossHótel Lind við Rauðárstíg. Það er skondið að hugsa til þess að þetta herbergi, sem ætlað hefur verið fyrir ferðalanga til að hvíla lúin bein í framandi landi, þjóni nú sem heimili Íslendings sem býr innan sama póstfangs. Þetta eru skrítnir og óneitanlega hrikalegir tímar sem hafa þó haft margt gott í skauti sér, allavega fyrir mig persónulega. undanfarnar tvær vikur hef ég haft meiri tíma til að kynnast sjálfum mér og líta innávið en ég hef gert alla mína 25 ára ævi. í tilefni af kvartaldarafmæli mínu fæ ég að endurfæðast inn í gjörólíkan heim sem nýr maður, með nýja lífssýn. Frá því ég var innskrifaður hef ég verið einkennalaus og nógu heilsuhraustur til að sinna minni daglegu líkamlegu vinnu, en hef eins og svo mörgum öðrum verið meinað það. Ég hef því engu starfi þurft að sinna, engum erindagjörðum, þrifum, eldamennsku, og verandi barnlaus og nýlega einstæður, ekki sálu - bara sjálfum mér. Ég er í fyrsta sinn síðan ég var barn, frjáls til finna í mér kjarnann í fullkomnu aðgerðarleysi og hefur þessi reynsla verið fræðandi og dýrmæt, en að sama skapi erfið og ógnvænleg. Mínir dagar í vist hér hafa verið mikil forréttindi sem ekki allir Covid-19 smitaðir hafa notið góðs af og ég finn fyrir miklu þakklæti í garð allra sem hafa veitt mér aðstoð. Því þó að heilsufarslegt ástand hafi ekki verið af alvarlegum toga hafið þið hjálpað manni sem átti um sárt að binda á hátt sem hvorki ég né þið sáuð fyrir. Verandi kvíðasjúklingur frá unga aldri og í seinni tíð mikil tilfinningavera í tilvistarangist, óttaðist ég hugmyndina að einangra mig í sama herberginu í tvær vikur samfleytt, sérstaklega á óvissu tímum, og sá fyrir mér geðbilun og kvíðakast fylgja því að vera svona lengi einn með eigin hugsunum. Andstæðan reyndist sönn. Ég var meðvitaðri um líðan mína og passaði að fara betur með mig en ég hefði annars gert, með hjálp hugleiðslu, öndunaræfinga, hreyfingu og holls mataræðis auk áfengis- og kaffibindindis. Ég sé nú áhrif hvers og eins þessara áhrifavalda í skýrara ljósi og get verið meðvitaðri og varkárari gagnvart þeim í mínu komandi daglega lífi. Að öðru leyti, reyndust fyrstu dagarnir erfiðir því ég þarf sífellt að vera á flakki að finna verkefni til að sinna til að framfleyta sjálfum mér, ná lengra, og seðja sjálfið. Þessi gulrót sem ég og margir samlandar mínir eltumst ótrauðir við hefur smám saman leitt okkur af vegi þess sem er mikilvægt í lífinu og fjær hamingjunni. Það hefur orðið mér ljóst að við erum í okkar daglega lífi, á mismeðvitaðan hátt, aðeins að dreifa huganum og seinka því að horfast í augu við okkur sjálf, hver við erum, hvað við viljum og að lokum okkar óhjákvæmilega dauðadag. Þetta meðvitundarleysi er félagslegur kvilli sem hefur lagst á vestrænt samfélag og fyllt okkur kvíða og óhamingju, löngu áður en þessi Covid-19 veira herjaði á. Að hafa horfst í augu við þennan kvilla hefur verið græðandi. Því get ég sagt að eftir þessa einangrun verð ég því læknaður af fleiri en einni veiki - einni tímabundinni og einni langvarandi. Ég vil þakka Rauða Krossinum, Landspítalanum, Sjúkratryggingum og Covid-teyminu kærlega fyrir þá umönnun og aðstoð sem þau hafa veitt mér á meðan dvölinni stóð sem hefur mest verið fólgin í því að færa mér hollan og gómsætan mat og ekki síður í formi andlegs stuðnings, félagsskapar og umhyggju. Ykkar góðvild og hjálpsemi hefur margskilað sér og ég vil að þið vitið að hún er móttekin og vel metin. Ég vil þakka ykkur fyrir að hafa hægt á gangi lífs míns og gefið mér tækifæri til að kynnast sjálfum mér í aðstæðum sem ég hefði erfiðlega fengið mig til að komast í. Í gegnum þessa reynslu hef ég róast gagnvart tilvistarkreppunni og andlegu óþægindunum sem eiga það til að hrjá fólk með þunglyndi og kvíða. Fólk fer oft í reisur til framandi landa til að komast í slíka snertingu við sjálft sig, þá oft í formi hugleiðslu, yoga eða annars andlegs undanhalds. Með þessari reynslu lærði ég að þú þarft ekki að fara neitt til að komast á þennan stað. Ég vona að aðrir fái tækifæri til að komast á þennan andlega stað án þess að þurfa að ferðast yfir hnöttinn eða að setja sig í þá hættu að láta smitast af einhverri árans veiru eins og ég. Hvort sem slíkt tækifæri gefst eða ei, trúi ég að við munum öll komast í gegnum þetta tímabil sem betri, hamingjusamari og meðvitaðri manneskjur. Verum dugleg að að passa upp á náungann og förum vel með okkur. Takk Rauði Krossinn, Takk Fosshótel, Takk Landspítalinn, Takk Covid. Viltu birta grein á Vísi? Sendu okkur póst. Senda grein Faraldur kórónuveiru (COVID-19) Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svona getum komið í veg fyrir að Katrín vinni Björn B. Björnsson Skoðun Halla Tómasdóttir og Sólskinsdrengurinn Margrét Dagmar Ericsdóttir Skoðun Ég vil óumdeildan forseta Guðrún Jónsdóttir Skoðun Ísrael verður að hætta að drepa saklausa borgara á Gaza Guðmundur Ingi Guðbrandsson Skoðun Að kjósa með hjartanu! Ásdís Guðmundsdóttir Skoðun Þess vegna er Halla Hrund efst Gunnhildur Fríða Hallgrímsdóttir Skoðun Kvenskörung á Bessastaði Þorbergur Þórsson Skoðun Gallar frambjóðandans - hjálparhönd til óákveðinna Gunnar Helgason Skoðun Brjótum heimsblað! Hallgrímur Helgason Skoðun Vopnið gegn hatri Kristín Sigrún Áss Sigurðardóttir Skoðun Skoðun Skoðun Ísrael verður að hætta að drepa saklausa borgara á Gaza Guðmundur Ingi Guðbrandsson skrifar Skoðun Að kjósa með hjartanu! Ásdís Guðmundsdóttir skrifar Skoðun Heilt kjörtímabil án árangurs í loftslagsmálum Andrés Ingi Jónsson skrifar Skoðun „Nema í alveg sérstökum tilvikum“ Sigurður Örn Hilmarsson skrifar Skoðun Forseti Íslands – Katrín Jakobsdóttir Guðjón Þórir Sigfússon skrifar Skoðun Baldur er leiðtogi og mannasættir Karl Ágúst Ipsen skrifar Skoðun Fyrir börnin okkar Gunnar Ingi Valgeirsson skrifar Skoðun Stjórnvöld eru stefnulaus í barna- og fjölskyldumálum Lúðvík Júlíusson skrifar Skoðun Halla Hrund fyrir framtíðina Þóra Árnadóttir skrifar Skoðun Halla Tómasdóttir og Sólskinsdrengurinn Margrét Dagmar Ericsdóttir skrifar Skoðun Ferðamálastefna til framtíðar Halla Signý Kristjánsdóttir skrifar Skoðun Fótbolti og forseti Tómas Ingi Tómasson skrifar Skoðun Taktík. - Fyrir fegurðina og lýðræðið Gunnlaugur Ólafsson skrifar Skoðun Kjósum Baldur fyrir öryggi okkar allra Ragnheiður Hergeirsdóttir skrifar Skoðun Svona getum komið í veg fyrir að Katrín vinni Björn B. Björnsson skrifar Skoðun Þess vegna er Halla Hrund efst Gunnhildur Fríða Hallgrímsdóttir skrifar Skoðun Forsetakosning, auðlindir í þágu almennings Gunnar Hrafn Birgisson skrifar Skoðun Halla Tómasdóttir lætur verkin tala Sigurborg Arnarsdóttir skrifar Skoðun Forsetakosningar: Menningarlegt forræði fjórða valdsins Meyvant Þórólfsson skrifar Skoðun Hver á að vera minn forseti? Auður Aþena Einarsdóttir skrifar Skoðun Halla Hrund – með víðtæka þekkingu á áskorunum samtímans Kristín Vala Ragnarsdóttir skrifar Skoðun Einstakt tækifæri til listnáms í Myndlistaskólanum í Reykjavík fyrir einstaklinga með þroskaskerðingu Björg Jóna Birgisdóttir skrifar Skoðun Vélakaup valdaelítunnar skal að vettugi hafa Ívar Hauksson skrifar Skoðun Báðar eru þær góður kostur, Katrín og Halla Hrund. Reynir Böðvarsson skrifar Skoðun Orkan hjá Höllu Hrund Sara Oskarsson skrifar Skoðun Kjósum Baldur fyrir unga fólkið Brynja Kristín Guðmundsdóttir skrifar Skoðun Náttúrubarnið Katrín Jakobsdóttir Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar Skoðun Mér finnst á mig hlustað Tinna Martinsdóttir skrifar Skoðun Vopnið gegn hatri Kristín Sigrún Áss Sigurðardóttir skrifar Skoðun Þjóðhöfðinginn Katrín Sigríður Gísladóttir skrifar Sjá meira
Nú er liðið að lokum á áhugaverðri lífsreynslu í lífi mínu. Eftir að hafa verið greindur með Covid-19 veiruna hef ég síðastliðnar tvær vikur verið einangraður innan veggja þriggja stjörnu herbergis á FossHótel Lind við Rauðárstíg. Það er skondið að hugsa til þess að þetta herbergi, sem ætlað hefur verið fyrir ferðalanga til að hvíla lúin bein í framandi landi, þjóni nú sem heimili Íslendings sem býr innan sama póstfangs. Þetta eru skrítnir og óneitanlega hrikalegir tímar sem hafa þó haft margt gott í skauti sér, allavega fyrir mig persónulega. undanfarnar tvær vikur hef ég haft meiri tíma til að kynnast sjálfum mér og líta innávið en ég hef gert alla mína 25 ára ævi. í tilefni af kvartaldarafmæli mínu fæ ég að endurfæðast inn í gjörólíkan heim sem nýr maður, með nýja lífssýn. Frá því ég var innskrifaður hef ég verið einkennalaus og nógu heilsuhraustur til að sinna minni daglegu líkamlegu vinnu, en hef eins og svo mörgum öðrum verið meinað það. Ég hef því engu starfi þurft að sinna, engum erindagjörðum, þrifum, eldamennsku, og verandi barnlaus og nýlega einstæður, ekki sálu - bara sjálfum mér. Ég er í fyrsta sinn síðan ég var barn, frjáls til finna í mér kjarnann í fullkomnu aðgerðarleysi og hefur þessi reynsla verið fræðandi og dýrmæt, en að sama skapi erfið og ógnvænleg. Mínir dagar í vist hér hafa verið mikil forréttindi sem ekki allir Covid-19 smitaðir hafa notið góðs af og ég finn fyrir miklu þakklæti í garð allra sem hafa veitt mér aðstoð. Því þó að heilsufarslegt ástand hafi ekki verið af alvarlegum toga hafið þið hjálpað manni sem átti um sárt að binda á hátt sem hvorki ég né þið sáuð fyrir. Verandi kvíðasjúklingur frá unga aldri og í seinni tíð mikil tilfinningavera í tilvistarangist, óttaðist ég hugmyndina að einangra mig í sama herberginu í tvær vikur samfleytt, sérstaklega á óvissu tímum, og sá fyrir mér geðbilun og kvíðakast fylgja því að vera svona lengi einn með eigin hugsunum. Andstæðan reyndist sönn. Ég var meðvitaðri um líðan mína og passaði að fara betur með mig en ég hefði annars gert, með hjálp hugleiðslu, öndunaræfinga, hreyfingu og holls mataræðis auk áfengis- og kaffibindindis. Ég sé nú áhrif hvers og eins þessara áhrifavalda í skýrara ljósi og get verið meðvitaðri og varkárari gagnvart þeim í mínu komandi daglega lífi. Að öðru leyti, reyndust fyrstu dagarnir erfiðir því ég þarf sífellt að vera á flakki að finna verkefni til að sinna til að framfleyta sjálfum mér, ná lengra, og seðja sjálfið. Þessi gulrót sem ég og margir samlandar mínir eltumst ótrauðir við hefur smám saman leitt okkur af vegi þess sem er mikilvægt í lífinu og fjær hamingjunni. Það hefur orðið mér ljóst að við erum í okkar daglega lífi, á mismeðvitaðan hátt, aðeins að dreifa huganum og seinka því að horfast í augu við okkur sjálf, hver við erum, hvað við viljum og að lokum okkar óhjákvæmilega dauðadag. Þetta meðvitundarleysi er félagslegur kvilli sem hefur lagst á vestrænt samfélag og fyllt okkur kvíða og óhamingju, löngu áður en þessi Covid-19 veira herjaði á. Að hafa horfst í augu við þennan kvilla hefur verið græðandi. Því get ég sagt að eftir þessa einangrun verð ég því læknaður af fleiri en einni veiki - einni tímabundinni og einni langvarandi. Ég vil þakka Rauða Krossinum, Landspítalanum, Sjúkratryggingum og Covid-teyminu kærlega fyrir þá umönnun og aðstoð sem þau hafa veitt mér á meðan dvölinni stóð sem hefur mest verið fólgin í því að færa mér hollan og gómsætan mat og ekki síður í formi andlegs stuðnings, félagsskapar og umhyggju. Ykkar góðvild og hjálpsemi hefur margskilað sér og ég vil að þið vitið að hún er móttekin og vel metin. Ég vil þakka ykkur fyrir að hafa hægt á gangi lífs míns og gefið mér tækifæri til að kynnast sjálfum mér í aðstæðum sem ég hefði erfiðlega fengið mig til að komast í. Í gegnum þessa reynslu hef ég róast gagnvart tilvistarkreppunni og andlegu óþægindunum sem eiga það til að hrjá fólk með þunglyndi og kvíða. Fólk fer oft í reisur til framandi landa til að komast í slíka snertingu við sjálft sig, þá oft í formi hugleiðslu, yoga eða annars andlegs undanhalds. Með þessari reynslu lærði ég að þú þarft ekki að fara neitt til að komast á þennan stað. Ég vona að aðrir fái tækifæri til að komast á þennan andlega stað án þess að þurfa að ferðast yfir hnöttinn eða að setja sig í þá hættu að láta smitast af einhverri árans veiru eins og ég. Hvort sem slíkt tækifæri gefst eða ei, trúi ég að við munum öll komast í gegnum þetta tímabil sem betri, hamingjusamari og meðvitaðri manneskjur. Verum dugleg að að passa upp á náungann og förum vel með okkur. Takk Rauði Krossinn, Takk Fosshótel, Takk Landspítalinn, Takk Covid.
Skoðun Halla Hrund – með víðtæka þekkingu á áskorunum samtímans Kristín Vala Ragnarsdóttir skrifar
Skoðun Einstakt tækifæri til listnáms í Myndlistaskólanum í Reykjavík fyrir einstaklinga með þroskaskerðingu Björg Jóna Birgisdóttir skrifar
Skoðun Náttúrubarnið Katrín Jakobsdóttir Álfhildur Leifsdóttir,Hólmfríður Jennýjar Árnadóttir,Sigríður Gísladóttir skrifar