Erlent

Þrír franskir lög­reglu­þjónar skotnir til bana

Gunnar Reynir Valþórsson skrifar
Morðinginn er 48 ára gamall og kom til átaka þegar lögreglumennirnir reyndu að bjarga konu frá manninum sem var í æðiskasti.
Morðinginn er 48 ára gamall og kom til átaka þegar lögreglumennirnir reyndu að bjarga konu frá manninum sem var í æðiskasti. Getty/Romain Perrocheau

Þrír franskir lögregluþjónar voru skotnir til bana í smábænum Saint-Just í miðhluta Frakklands seint í gærkvöldi.

Talið er að skothríðin hafi byrjað þegar lögreglumennirnir voru að bregðast við útkalli vegna heimilisofbeldis að því er segir í frétt á vef Guardian þar sem greint er frá málinu.

Morðinginn er 48 ára gamall og kom til átaka þegar lögreglumennirnir reyndu að bjarga konu frá manninum sem var í æðiskasti.

Hann skaut einn lögreglumann og særði annan áður en hann kveikti í húsi sínu. Þegar liðsauki barst skaut hann síðan tvo til viðbótar til bana.

Lögreglumönnum tókst að bjarga konunni en talið er að manninum hafi tekist að flýja húsarústirnar og er hans nú leitað.

Frakkland

Mest lesið


Fleiri fréttir

Sjá meira


×

Mest lesið