Erlent

Nýja afbrigðið mögulega 70% meira smitandi

Hólmfríður Gísladóttir skrifar
Boris Johnson ávarpar bresku þjóðina.
Boris Johnson ávarpar bresku þjóðina. epa/Neil Hall

Nýtt afbrigði Covid-19 sem hefur náð töluverðri dreifingu í Lundúnum og suðausturhluta Bretlands er talið vera allt að 70% meira smitandi en önnur afbrigði. Enn sem komið bendir ekkert til þess að það valdi alvarlegri sjúkdóm eða sé banvænna.

Afbrigðið greinist með þeim skimunaraðferðum sem hafa verið notaðar hingað til og engar vísbendingar eru um að þau bóluefni sem hafa verið í þróun virki ekki á það.

Forsætisráðherra Breta, Boris Johnson, tilkynnti í dag um hertar aðgerðir vegna aukinnar útbreiðslu SARS-CoV-2 í landinu. Frá miðnætti munu ströngustu takmarkanir taka gildi á sömu svæðum og nýja afbrigðið hefur dreift úr sér; í Lundúnum, suðausturhluta og austurhluta landsins.

Fólk hefur verið varað við því að ferðast út fyrir eða inn á svæði þar sem umræddar takmarkanir eru í gildi (tier 4) og beðið um að halda sig heima. Tveir mega koma saman í opinberum rýmum og öllum fyrirtækjum sem ekki veita nauðsynlega þjónustu hefur verið gert að loka dyrum sínum.

Stjórnvöld hafa einnig ákveðið að falla frá rýmkun sóttvarnaregla sem átti að gilda fimm daga yfir jól. Engar undanþágur verða gerðar á reglunum á ofangreindum svæðum og aðeins á jóladag á öðrum svæðum landsins.

Reglur hafa einnig verið hertar í Skotlandi og Wales.

Guardian fylgist með þróun mála í Bretlandi.


Tengdar fréttir

Ekkert bendi til að nýja breska veiran sé ónæm fyrir bólu­efninu

Heilbrigðisráðherra Bretlands greindi frá því í dag að nýtt afbrigði kórónuveirunnar hafi fundist í landinu. Kári Stefánsson, forstjóri Íslenskrar erfðagreiningar, segir ekkert benda til þess að nýja breska veiran sleppi fram hjá bóluefninu sem hefur verið þróað.

Varar við „spekúla­sjónum“ um nýja af­brigðið í Bret­landi

Sóttvarnalæknir telur að fara eigi varlega í vangaveltur um nýtt afbrigði kórónuveirunnar, sem skotið hefur upp kollinum í Bretlandi, áður en áreiðanlegar upplýsingar liggi fyrir. Fjölmargar og mismunandi stökkbreytingar af veirunni séu þekktar.

Segja þriggja fjölskyldna samkomur munu leiða til fleiri dauðsfalla

Tvö af áhrifamestu heilbrigðistímaritum Bretlands hafa sameinast um leiðara í annað sinn í meira en hundrað ár og varað við því að ef stjórnvöld herða ekki aðgerðir yfir jól, frekar en að aflétta þeim, muni ástandið verða heilbrigðiskerfinu ofviða.

Nýtt afbrigði SARS-CoV-2 greinist á Bretlandseyjum

Heilbrigðisráðherra Breta, Matt Hancock, sagði frá því í gær að nýtt afbrigði SARS-CoV-2 hefði fundist í landinu. Fleiri en þúsund tilvik hafa greinst, flest í suðurhluta Bretlands.

Óboðni gesturinn sem neitar að fara

Árið 2020 er senn á enda. Því verður seint lýst sem venjulegu ári enda hefur samkomubann verið í gildi meirihlutann af árinu og daglegt líf allt öðruvísi en fyrir kórónuveirufaraldurinn. Það birti þó aðeins til í sumar en það var skammgóður vermir og má líkja veirunni við óboðinn gest sem neitar að fara.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.