Innlent

Telur galið að Heimsferðir vilji fljúga með sig á hááhættusvæði

Jakob Bjarnar skrifar
Dauflegt á Tene þessa dagana. Breki segir að réttur Jónínu sé ríkur sé litið til laga. Forsendur eru aðrar og hún ætti því að eiga endurgreiðslurétt. En þó ber til þess að líta að nú eru uppi eindæma aðstæður sem aldrei hefur reynt á áður.
Dauflegt á Tene þessa dagana. Breki segir að réttur Jónínu sé ríkur sé litið til laga. Forsendur eru aðrar og hún ætti því að eiga endurgreiðslurétt. En þó ber til þess að líta að nú eru uppi eindæma aðstæður sem aldrei hefur reynt á áður.

Jónína Símonardóttir sjúkraliði og fótameinafræðingur á pantaða ferð með Heimsferðum til Tenerife á morgun. Hún hefur verið í sambandi við ferðaskrifstofuna og gekk út frá því að ferðinni yrði aflýst af hálfu ferðaskrifstofunnar. En, því er ekki að heilsa.

„Þetta er skilgreint sem hááættusvæði. Þar er allt lokað og fólk sektað ef það fer úr húsi,“ segir Jónína undrandi í samtali við fréttastofu.

Henni sýnist augljóst að allar forsendur séu brostnar. Til standi að fljúga henni út þann 17. þessa mánaðar í sóttkví og til baka 2. apríl, og þá taki við sóttkví í tvær vikur á Íslandi. „Þetta er bara djók.“

Allar flugferðir á áætlun

Vísi tókst ekki að ná sambandi við neinn hjá Heimsferðum en á heimasíðu ferðaskrifstofunnar segir, og er það í samræmi við frásögn Jónínu:

Jónína segir að Heimsferðir vilji að hún sjálf slái fréttina af og þá þarf hún að greiða hana þó hún hafi aldrei verið farin.

Athugið!

Farþegar Heimsferða sem eiga pantað flug heim frá Gran Canaria og Tenerife á næstu dögum. Nú þegar yfirvöld á Íslandi hafa sent tilmæli til Íslendinga sem staddir eru erlendis að íhuga að flýta heimför þá viljum við upplýsa farþega að öll flug okkar næstu daga eru á ætlun, eins og staðan er núna. Við erum að skoða næstu skref og munum upplýsa alla farþega sem bókaðir eru á okkar vegum um framhaldið.

Tapar ferðinni ef hún ákveður sjálf að fara hvergi

Jónína segist hafa fengið ferðina ódýrt, eða fyrir 244 þúsund krónur fyrir tvo. Hún segir stöðuna sérkennilega. Heimsferðir vilji halda áætlun og segi við sig að hún verði sjálf að ákveða hvort hún vill fara eða ekki.

„Ég gerði ekkert ráð fyrir því að ég væri að fara og ætla ekki að fara. En þau hjá Heimsferðum segja að það sé á mínu valdi hvort ég fer eða ekki. Og þá tapa ég ferðinni. Þarf að borga hana,“ segir Jónína. Og allar tilraunir hennar til að fá henni breytt hafi verið tómt mál um að tala af hálfu Heimsferða.

Neytendasamtökin telja rétt Jónínu ríkan

Breki Karlsson hjá Neytendasamtökunum telur Heimsferðir þarna á vafasömu róli en samtökunum hefur borist fjöldi fyrirspurna um einmitt atriði sem þessi. Breki segir lögin skýr.

Um réttindi ferðalanga sem keyptu pakkaferðir kemur fram í 15. grein laga um pakkaferðir og samtengda ferðatilhögun, orðrétt:

Breki Karlsson, formaður Neytendasamtakanna. telur einsýnt að um forsendubrest en samtökunum berst nú fjöldi fyrirspurna um einmitt hliðstæð tilvik og hér eru rakin.Vísir/Vilhelm

„Skipuleggjandi eða smásali á ekki rétt á greiðslu þóknunar af hendi ferðamanns ef afpöntun er vegna óvenjulegra og óviðráðanlegra aðstæðna sem hafa veruleg áhrif á framkvæmd pakkaferðar eða flutning farþega til ákvörðunarstaðar.“

Breki segir þetta ekkert fara á milli mála. „Einsýnt, þarna verður ekki hægt að fullnusta ferðina eða framkvæma eins og hún var keypt. Ef fólk þarf að fara í tveggja vikna sóttkví þegar það kemur heim aftur þá er það forsendubrestur. Við höfum skilgreint það hér á Neytendasamtökunum að á þeim svæðum sem skilgreind eru sem svo að mikil áhætta sé að fara til eigi þetta við.“

Breki segir að þó sé vert að hafa allar varnagla upp. „Þetta eru eindæma aðstæður sem aldrei hefur reynt á áður.“


Tengdar fréttir

Skilgreina Spán, Þýskaland og Frakkland nú sem hááhættusvæði

Sóttvarnalæknir hefur nú hækkað áhættumat fyrir Þýskaland, Frakkland og Spán, þar á meðal Kanaríeyjar, í ljósi útbreiðslu kórónuveirunnar í þeim löndum. Allir sem koma frá þeim svæðum er nú gert að fara í tveggja vikna sóttkví við heimkomu.

Þjóðir um allan heim herða að­gerðir sínar

Neyðarástandi verður lýst yfir á Spáni eftir ríkisstjórnarfund á morgun. Götur helstu borga landsins voru auðar í dag en óttast er að tala smitaðra fari í tíu þúsund í komandi viku.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.