Innlent

Fjöldi þekktra vill á fram­boðs­lista Sam­fylkingarinnar

Hallgerður Kolbrún E. Jónsdóttir skrifar
Nichole Leigh Mosty, Steinunn Ása Þorvaldsdóttir og Ásta Guðrún Helgadóttir hafa allar boðið sig fam til uppstillingar á framboðslistum Samfylkingarinnar í Reykjavík í næstu Alþingiskosningum.
Nichole Leigh Mosty, Steinunn Ása Þorvaldsdóttir og Ásta Guðrún Helgadóttir hafa allar boðið sig fam til uppstillingar á framboðslistum Samfylkingarinnar í Reykjavík í næstu Alþingiskosningum. Vísir

Samfylkingin í Reykjavík sendi í dag frá sér lista af fólki sem býður sig fram til uppstillingar á framboðslistum Samfylkingarinnar í Reykjavík fyrir næstu Alþingiskosningar. Listinn er ekki endanlegur framboðslisti heldur gafst flokksmönnum tækifæri til að stinga upp á fólki sem gæti prýtt framboðslista samfylkingarinnar.

Flokksmenn fá svo á næstu dögum tækifæri til þess að velja tíu af þeim 49 sem hafa boðið sig fram til uppstillingar. Það verður svo tekið til skoðunar þegar eiginlegur framboðslisti er undirbúinn fyrir Reykjavík.

Meðal þeirra sem eru á listanum eru þrír fyrrverandi þingmenn annarra flokka. Það eru Rósa Björk Brynjólfsdóttir, fyrrverandi þingmaður Vinstri grænna sem gekk til liðs við Samfylkinguna í gær, Nichole Leigh Mosty, fyrrverandi þingmaður Bjartar framtíðar og formaður Samtaka kvenna af erlendum uppruna á Íslandi, og síðust er það Ásta Guðrún Helgadóttir, fyrrverandi þingmaður Pírata.

Auk þeirra eru tveir núverandi þingmenn á listanum, þau Ágúst Ólafur Ágústsson og Helga Vala Helgadóttir.

Þá eru Stefán Ólafsson, prófessor í félagsfræði við HÍ, Steinunn Ása Þorvaldsdóttir, fjölmiðlakona og Edduverðlaunahafi, Bolli Héðinsson hagfræðingur og Einar Kárason, rithöfundur og varaþingmaður, á listanum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×