Erlent

Öll aðildar­ríki ESB byrji að bólu­setja sama dag

Atli Ísleifsson skrifar
Ursula von der Leyen er forseti framkvæmdastjórnar Evrópu.
Ursula von der Leyen er forseti framkvæmdastjórnar Evrópu. Getty

Ursula von der Leyen, forseti framkvæmdastjórnar Evrópusambandsins, segir að öll aðilarríki sambandsins eigi að hefja bólusetningu gegn Covid-19 sama daginn.

Þetta sagði von der Leyen í morgun. Hún segir að sú leið myndi sýna fram á samstöðu meðal ríkjanna.

Von der Leyen nefndi ekki hvaða dag yrði um að ræða, en Lyfjastofnun Evrópu tilkynnti í gær að fundi, þar sem afstaða verði tekin um hvort að veita skuli markaðsleyfi fyrir bóluefni Pfizer, yrði flýtt til 21. desember. Upphaflega stóð til að fundur stofnunarinnar yrði haldinn 29. desember.

Á Þorláksmessu, 23. desember, mun framkvæmdastjórn ESB svo taka endanlega ákvörðun um markaðsleyfið.

Bólusetningar með bóluefni Pfizer og BioNTech eru þegar hafnar í Bandaríkjunum, Bretlandi og Kanada.

Faraldur kórónuveiru (COVID-19) Evrópusambandið Bólusetningar

Tengdar fréttir

Pfizer bóluefnið gæti fengið leyfi á Íslandi á Þorláksmessu

Pfizer-bóluefnið gæti verið komið með markaðsleyfi á Íslandi á þorláksmessu eftir að Lyfjastofnun Evrópu ákvað að flýta fundi sínum. Hráefnaskortur veldur því að Íslendingar fá færri skammta af bóluefninu um áramótin en til stóð.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið