Innlent

Fjórir greindust með veiruna í gær og voru allir í sóttkví

Vésteinn Örn Pétursson skrifar
Frá sýnatöku Heilsugæslunnar á höfuðborgarsvæðinu.
Frá sýnatöku Heilsugæslunnar á höfuðborgarsvæðinu. Vísir/Vilhelm

Fjórir greindust með kórónuveiruna innanlands í gær. Enginn var utan sóttkvíar við greiningu.

Þetta kemur fram í uppfærðum tölum á vef Almannavarna og Landlæknisembættisins, covid.is.

Þá greindust níu manns á landamærunum. Af þeim eru tveir með virkt smit og einn með mótefni, en sex bíða niðurstöðu mótefnamælingar.

186 manns eru nú í einangrun, en fjöldinn var 195 í gær. Þá eru 500 í sóttkví í dag, samanborið við 544 í gær.

Af þeim fjórum sem greindust í gær greindust tveir eftir svokallaða einkennasýnatöku og aðrir tveir eftir sóttkvíar- og handahófsskimun.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 45,3 en var 45,5 í gær. Þá er nýgengi landamærasmita nú 8,2 en var 10,4 í gær.

Alls hafa nú 5.482 manns greinst með kórónuveiruna á Íslandi frá upphafi faraldursins. Af þeim sem greinst hafa með Covid-19 hér á landi eru 27 látin.

Alls voru tekin 444 einkennasýni hjá sýkla- og veirufræðideild Landspítalans og Íslenskri erfðagreiningu í gær og 585 sýni á landamærunum eða í seinni landamæraskimun. Þá voru tekin 50 sýni í svokallaðri sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.