Allt lið GOG í sótt­kví | Viktor Gísli þar á meðal

Viktor Gísli Hallgrímsson – leikmaður GOG í dönsku úrvalsdeildinni og markvörður íslenska landsliðsins í handbolta – er nú farinn í sóttkví líkt og allir liðsfélagar sínir.

Landsliðsmarkvörðurinn þurfti að fara í sóttkví eftir að fjöldi leikmanna liðsins greindist með kórónuveiruna. Þar á meðal tveir í morgun en Viktor Gísli hefur þó sloppið til þessa.

Alls hafa fimm leikmenn GOG ásamt yfirþjálfara liðsins greinst með Covid-19 á síðustu sex dögum. Félagið gaf út tilkynningu þess efnis að sýna þyrfti ábyrgð og því eru allir leikmenn, þjálfarar ásamt þeim sem koma að liðinu á einhvern hátt farnir í sóttkví.

Leikjum liðsins hefur verið frestað tímabundið en liðið átti að leik heima fyrir nú á laugardaginn kemur sem og Evrópuleik eftir helgi.

Handbolti.is greindi upphaflega frá.