Momala, „skrímsli“, Pioneer Hólmfríður Gísladóttir skrifar 9. nóvember 2020 15:19 Harris umvafin stuðngingsmönnum. epa/Ross Cameron Bandaríska leyniþjónustan hefur þá hefð að gefa einstaklingum undir sínum verndarvæng sérstök viðurnefni. Clinton var Eagle, Bush yngri Tumbler og síðar Trailblazer, Obama Renegade og Trump Mogul. Einhverjir hafa fengið að velja sjálfir (það fylgir ekki sögunni hvort Elísabet Englandsdrottning hafi valið Kittyhawk eða Charles sonur hennar Unicorn) og það á við um nýkjörinn forseta og varaforseta Bandaríkjanna, sem verða Celtic og Pioneer. Pioneer á vel við Kamölu Harris, lögmann og öldungadeildarþingmann, enda hefur hún á skömmum tíma mölvað margt glerþakið. Hún var fyrsta svarta konan og fyrsti einstaklingurinn af suður-asískum uppruna til að vera frambjóðandi annars stóru flokkanna tveggja í forsetakosningum. Hún er fyrsta konan og fyrsti svarti einstaklingurinn til að verða varaforseti. En hún stefndi hærra og bauð sig fram í forkosningum Demókrataflokksins fyrir forsetakosningarnar, þar sem Phony Kamala og Sleepy Joe (©DonaldTrump) tókust stundum hressilega á. „Þessi litla stúlka var ég“ „Veistu, í Kaliforníu var lítil stúlka í öðrum árganginum í blönduðum skóla og hún tók skólabílinn í skólann á hverjum degi. Og þessi litla stúlka var ég.“ Þannig komst Harris að orði í kappræðum þar sem hún gagnrýndi Biden harðlega fyrir að hafa skipað sér á bekk með aðskilnaðarsinnum og mótmælt „busing“ þegar hann sat í öldungadeildinni. „Busing“ var orðið sem var notað yfir það að flytja börn milli skólahverfa í þeirri viðleitni til að stuðla að blöndun í skólakerfinu, þ.e. jöfnum fjölda hvítra og svartra barna í skólunum. Hæstiréttur Bandaríkjanna hafði komist að þeirri niðurstöðu árið 1954 að aðskilnaður í skólum stæðist ekki stjórnarskrána og ákvað árið 1971 að ríkjum væri heimilt að stuðla að blöndum með því að taka upp fyrrnefndan flutning milli hverfa. Úrræðið var afar umdeilt, meðal hvítra og svartra, og öldungadeildarþingmaðurinn Biden hafði ákveðnar efasemdir á sínum tíma. Afstaða hans kom upp í kappræðunum, þar sem Harris gagnrýndi Biden m.a. fyrir að hafa ekki beðist afsökunar fyrir að hafa tekið undir með aðskilnaðarsinnum en hún sagðist á sama tíma alls ekki myndu kalla Biden „rasista“. Ekki mikill málefnamunur Harris er dóttir innflytjenda, móðir hennar var fædd á Indlandi og pabbi hennar á Jamaíka. Foreldrar hennar skildu þegar hún var fimm ára og hún var alin upp af Shyamala Gopalan Harris, sem var vísindamaður og mannréttindaaktívisti. „Móðir mín skildi það að hún var að ala upp tvær svartar dætur,“ sagði Harris um uppeldi sitt og Mayu, systur sinnar. „Hún vissi að í nýja heimalandinu myndi fólk líta á mig og Mayu sem svartar stúlkur og hún var staðráðin í því að við skyldum alast upp sem sjálfsöruggar, stoltar svartar konur.“ Madam Vice President-Elect @KamalaHarris. I am so very proud of you, sis. ❤️🤍💙 pic.twitter.com/t3tQGODdu2— Maya Harris (@mayaharris_) November 7, 2020 Ætterni og bakgrunnur Harris hefur gert henni mögulegt að höfða til margra hópa í bandarísku samfélagi, ekki síst svartra og kvenna. Í átökum sínum við Biden í forkosningunum sagðist hún t.d. standa með og trúa konum, þegar varaforsetinn fyrrverandi var sakaður um að hafa hegðað sér ósæmilega með óviðeigandi kossum og faðmlögum. „Ég trúi [þolendunum] og virði það við þær að segja sína sögu og að hafa hugrekki til þess,“ sagði Harris. Þess ber þó að geta að þegar ljóst var að Biden yrði forsetaefni demókrata og val hans á varaforsetaefni stóð yfir sagði Harris um ásakanirnar á hendur honum: „Sá Joe Biden sem ég þekki er einhver sem hefur barist fyrir konur og valdeflingu kvenna og fyrir jafnrétti og réttindum kvenna.“ Harris, Biden og makar fagna sigrinum.epa/Andrew Harnic Þrátt fyrir erjur í forkosningunum er raunar ekki mikill málefnamunur milli Harris og Biden, nema að þegar kemur að heilbrigðiskerfinu hefur hún viljað ganga lengur en hann í átt að raunverulegu opinberlegu almannatryggingakerfi. Margir hafa enda bent á að stétt og staða skipti ekki minna máli en húðlitur og uppruni þegar kemur að jafnréttisbaráttunni. Þannig sé Harris líkari Biden en mörgum öðrum svörtum konum og þá hafi Obama gert minna en margur átti von á til að styrkja stöðu svartra í bandarísku samfélagi. Arfleifð þeirra sem vörðuðu veginn Harris giftist fyrir sex árum Douglas Emhoff en hann átti tvö börn frá fyrra hjónabandi. Turtildúfurnar ákváðu að bíða með að draga börnin inn í sambandið þar til þau væru viss um að þau vildu vera saman til frambúðar en þegar á hólminn var komið gekk samrunin ljómandi vel. Öll ákváðu strax að þau væru ekki hrifin af orðinu „stjúpa“ og varð ofan á að Cole og Ella Emhoff kalla Harris „Momala“. Þess má geta að Momala og fyrrverandi eiginkona Emhoff eru stórgóðar vinkonur. View this post on Instagram Grateful every day to be Momala to Ella and Cole. A post shared by Kamala Harris (@kamalaharris) on May 12, 2019 at 4:13pm PDT Sumir hafa viljað eigna Biden heiðurinn af árangri Harris en aðrir eru langt í frá sammála. „[Harris] er handhafi arfleifðar grasrótarskipuleggjenda, kjörinna fulltrúa og þeirra sem ekki náðu kjöri en vörðuðu leiðina að Hvíta húsinu. Svartar konur eru náttúruafl í stjórnmálum og Demókrataflokknum,“ sagði stjórnmálafræðiprófessorinn Nadia Brown í samtali við BBC. „Sigur hennar er sögulegur en hann er ekki bara hennar. Hún deilir honum með fjölda svartra kvenna sem gerðu þennan dag mögulegan.“ Svört kona, Momala, lögmaður, öldungadeildarþingmaður, varaforseti. Og 2024..? Á meðan forkosningunum stóð kallaði einn ráðgjafa Biden Harris „slick and slippery“. Trump kallaði hana „skrímsli“. En vinir og samstarfsmenn tala um rökfestu og hláturmildi og hún er þekkt fyrir að spyrja gagnrýnna spurninga og svara fyrir sig. Og sá hlær best sem síðast hlær. You wouldn’t know a joke if one raised you. https://t.co/zUV3MLkmVm— Kamala Harris (@KamalaHarris) October 12, 2019 Forsetakosningar í Bandaríkjunum Bandaríkin Fréttaskýringar Joe Biden Tengdar fréttir Trump sagður ekki vera á þeim buxunum að ætla að viðurkenna ósigur á næstunni Donald Trump, forseti Bandaríkjanna, er sagður ekki vera á þeim buxunum að ætla að viðurkenna ósigur í forsetakosningunum á næstunni. Þetta herma heimildir fréttastofu Reuters. 8. nóvember 2020 23:31 „Ég verð ekki sú síðasta“ Kamala Harris, verðandi varaforseti Bandaríkjanna, hélt í nótt ræðu þar sem hún heiðraði konur sem hún segir hafa rutt brautina fyrir sig. Hún verður fyrsta konan til þess að gegna embætti varaforseta Bandaríkjanna. 8. nóvember 2020 07:48 Ótrúleg fagnaðarlæti víða um Bandaríkin eftir að sigri Biden var lýst yfir Augu heimsbyggðarinnar voru á Pennsylvaníu í dag á meðan beðið var eftir úrslitum forsetakosninganna í Bandaríkjunum. 7. nóvember 2020 19:36 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira
Bandaríska leyniþjónustan hefur þá hefð að gefa einstaklingum undir sínum verndarvæng sérstök viðurnefni. Clinton var Eagle, Bush yngri Tumbler og síðar Trailblazer, Obama Renegade og Trump Mogul. Einhverjir hafa fengið að velja sjálfir (það fylgir ekki sögunni hvort Elísabet Englandsdrottning hafi valið Kittyhawk eða Charles sonur hennar Unicorn) og það á við um nýkjörinn forseta og varaforseta Bandaríkjanna, sem verða Celtic og Pioneer. Pioneer á vel við Kamölu Harris, lögmann og öldungadeildarþingmann, enda hefur hún á skömmum tíma mölvað margt glerþakið. Hún var fyrsta svarta konan og fyrsti einstaklingurinn af suður-asískum uppruna til að vera frambjóðandi annars stóru flokkanna tveggja í forsetakosningum. Hún er fyrsta konan og fyrsti svarti einstaklingurinn til að verða varaforseti. En hún stefndi hærra og bauð sig fram í forkosningum Demókrataflokksins fyrir forsetakosningarnar, þar sem Phony Kamala og Sleepy Joe (©DonaldTrump) tókust stundum hressilega á. „Þessi litla stúlka var ég“ „Veistu, í Kaliforníu var lítil stúlka í öðrum árganginum í blönduðum skóla og hún tók skólabílinn í skólann á hverjum degi. Og þessi litla stúlka var ég.“ Þannig komst Harris að orði í kappræðum þar sem hún gagnrýndi Biden harðlega fyrir að hafa skipað sér á bekk með aðskilnaðarsinnum og mótmælt „busing“ þegar hann sat í öldungadeildinni. „Busing“ var orðið sem var notað yfir það að flytja börn milli skólahverfa í þeirri viðleitni til að stuðla að blöndun í skólakerfinu, þ.e. jöfnum fjölda hvítra og svartra barna í skólunum. Hæstiréttur Bandaríkjanna hafði komist að þeirri niðurstöðu árið 1954 að aðskilnaður í skólum stæðist ekki stjórnarskrána og ákvað árið 1971 að ríkjum væri heimilt að stuðla að blöndum með því að taka upp fyrrnefndan flutning milli hverfa. Úrræðið var afar umdeilt, meðal hvítra og svartra, og öldungadeildarþingmaðurinn Biden hafði ákveðnar efasemdir á sínum tíma. Afstaða hans kom upp í kappræðunum, þar sem Harris gagnrýndi Biden m.a. fyrir að hafa ekki beðist afsökunar fyrir að hafa tekið undir með aðskilnaðarsinnum en hún sagðist á sama tíma alls ekki myndu kalla Biden „rasista“. Ekki mikill málefnamunur Harris er dóttir innflytjenda, móðir hennar var fædd á Indlandi og pabbi hennar á Jamaíka. Foreldrar hennar skildu þegar hún var fimm ára og hún var alin upp af Shyamala Gopalan Harris, sem var vísindamaður og mannréttindaaktívisti. „Móðir mín skildi það að hún var að ala upp tvær svartar dætur,“ sagði Harris um uppeldi sitt og Mayu, systur sinnar. „Hún vissi að í nýja heimalandinu myndi fólk líta á mig og Mayu sem svartar stúlkur og hún var staðráðin í því að við skyldum alast upp sem sjálfsöruggar, stoltar svartar konur.“ Madam Vice President-Elect @KamalaHarris. I am so very proud of you, sis. ❤️🤍💙 pic.twitter.com/t3tQGODdu2— Maya Harris (@mayaharris_) November 7, 2020 Ætterni og bakgrunnur Harris hefur gert henni mögulegt að höfða til margra hópa í bandarísku samfélagi, ekki síst svartra og kvenna. Í átökum sínum við Biden í forkosningunum sagðist hún t.d. standa með og trúa konum, þegar varaforsetinn fyrrverandi var sakaður um að hafa hegðað sér ósæmilega með óviðeigandi kossum og faðmlögum. „Ég trúi [þolendunum] og virði það við þær að segja sína sögu og að hafa hugrekki til þess,“ sagði Harris. Þess ber þó að geta að þegar ljóst var að Biden yrði forsetaefni demókrata og val hans á varaforsetaefni stóð yfir sagði Harris um ásakanirnar á hendur honum: „Sá Joe Biden sem ég þekki er einhver sem hefur barist fyrir konur og valdeflingu kvenna og fyrir jafnrétti og réttindum kvenna.“ Harris, Biden og makar fagna sigrinum.epa/Andrew Harnic Þrátt fyrir erjur í forkosningunum er raunar ekki mikill málefnamunur milli Harris og Biden, nema að þegar kemur að heilbrigðiskerfinu hefur hún viljað ganga lengur en hann í átt að raunverulegu opinberlegu almannatryggingakerfi. Margir hafa enda bent á að stétt og staða skipti ekki minna máli en húðlitur og uppruni þegar kemur að jafnréttisbaráttunni. Þannig sé Harris líkari Biden en mörgum öðrum svörtum konum og þá hafi Obama gert minna en margur átti von á til að styrkja stöðu svartra í bandarísku samfélagi. Arfleifð þeirra sem vörðuðu veginn Harris giftist fyrir sex árum Douglas Emhoff en hann átti tvö börn frá fyrra hjónabandi. Turtildúfurnar ákváðu að bíða með að draga börnin inn í sambandið þar til þau væru viss um að þau vildu vera saman til frambúðar en þegar á hólminn var komið gekk samrunin ljómandi vel. Öll ákváðu strax að þau væru ekki hrifin af orðinu „stjúpa“ og varð ofan á að Cole og Ella Emhoff kalla Harris „Momala“. Þess má geta að Momala og fyrrverandi eiginkona Emhoff eru stórgóðar vinkonur. View this post on Instagram Grateful every day to be Momala to Ella and Cole. A post shared by Kamala Harris (@kamalaharris) on May 12, 2019 at 4:13pm PDT Sumir hafa viljað eigna Biden heiðurinn af árangri Harris en aðrir eru langt í frá sammála. „[Harris] er handhafi arfleifðar grasrótarskipuleggjenda, kjörinna fulltrúa og þeirra sem ekki náðu kjöri en vörðuðu leiðina að Hvíta húsinu. Svartar konur eru náttúruafl í stjórnmálum og Demókrataflokknum,“ sagði stjórnmálafræðiprófessorinn Nadia Brown í samtali við BBC. „Sigur hennar er sögulegur en hann er ekki bara hennar. Hún deilir honum með fjölda svartra kvenna sem gerðu þennan dag mögulegan.“ Svört kona, Momala, lögmaður, öldungadeildarþingmaður, varaforseti. Og 2024..? Á meðan forkosningunum stóð kallaði einn ráðgjafa Biden Harris „slick and slippery“. Trump kallaði hana „skrímsli“. En vinir og samstarfsmenn tala um rökfestu og hláturmildi og hún er þekkt fyrir að spyrja gagnrýnna spurninga og svara fyrir sig. Og sá hlær best sem síðast hlær. You wouldn’t know a joke if one raised you. https://t.co/zUV3MLkmVm— Kamala Harris (@KamalaHarris) October 12, 2019
Forsetakosningar í Bandaríkjunum Bandaríkin Fréttaskýringar Joe Biden Tengdar fréttir Trump sagður ekki vera á þeim buxunum að ætla að viðurkenna ósigur á næstunni Donald Trump, forseti Bandaríkjanna, er sagður ekki vera á þeim buxunum að ætla að viðurkenna ósigur í forsetakosningunum á næstunni. Þetta herma heimildir fréttastofu Reuters. 8. nóvember 2020 23:31 „Ég verð ekki sú síðasta“ Kamala Harris, verðandi varaforseti Bandaríkjanna, hélt í nótt ræðu þar sem hún heiðraði konur sem hún segir hafa rutt brautina fyrir sig. Hún verður fyrsta konan til þess að gegna embætti varaforseta Bandaríkjanna. 8. nóvember 2020 07:48 Ótrúleg fagnaðarlæti víða um Bandaríkin eftir að sigri Biden var lýst yfir Augu heimsbyggðarinnar voru á Pennsylvaníu í dag á meðan beðið var eftir úrslitum forsetakosninganna í Bandaríkjunum. 7. nóvember 2020 19:36 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Getur gosið hvenær sem er Innlent Tók upp þegar hann nauðgaði kærustu sinni í tvígang Innlent Að taka afstöðu er einkamál hvers og eins Innlent Þjófunum yfirsást taska með milljónum króna Innlent Íkveikjan ekki talin hafa beinst að Trump eða réttarhöldunum Erlent Tilkynnti sig tvisvar til barnaverndar til að fá aðstoð fyrir einhverfa dóttur Innlent Pollrólegur í viðtali í 45 metra hæð yfir borginni Innlent Besti vinur úlfanna hlakkar til að tengjast áhorfendum í Hörpu Innlent Kveikti í sér fyrir utan dómshúsið þar sem réttað er yfir Trump Erlent Átta forsetaefni klár með listana Innlent Fleiri fréttir Íkveikjan ekki talin hafa beinst að Trump eða réttarhöldunum Kveikti í sér fyrir utan dómshúsið þar sem réttað er yfir Trump Fyrstu loftárásir Ísraela í Íran frá 1979 Fengu aðstoð Demókrata við að koma hernaðaraðstoð úr nefnd Hefur mátt sitja undir svívirðingum um sjálfan sig Segjast hafa skotið niður dýrmæta sprengjuflugvél Handtekinn í tengslum við áform um að ráða Selenskí af dögum Ísraelar gera árás á Íran Kennedy-fjölskyldan lýsir yfir stuðningi við Biden Bandaríkin stöðvuðu fulla aðild Palestínumanna að SÞ Hrunið í gömlu kauphöllinni heldur áfram Afsalta sjó til drykkjar í þurrki í Barcelona Eiginmaður Sturgeon ákærður fyrir fjárdrátt Mega koma til að snæða í Grindavík en aðeins í rútu Johnson í erfiðri stöðu Hafa vitneskju um mögulegan dvalarstað Íslendings sem flýr réttvísina Útsendarar Rússa sakaðir um skipulagningu árása í Þýskalandi Mikill mannskaði eftir sögulegt úrhelli í eyðimörkinni Kjarnorkuknúin drónaþyrla mun leita að lífrænum sameindum á Títan Sendi ösku í allt að þriggja kílómetra hæð Ákærður fyrir að nota slagorð SS-sveitanna á fjöldafundi Stjórnvöld í Katar að endurskoða sáttasemjarahlutverk sitt Réði lífvörð eftir árásina á bandamann Navalnís Borgarstjóri sakaður um brot gegn dóttur sinni Hæsta vindmylla heims á landi reist í Danmörku Þingforsetinn segist ekki ætla að fara fet Ísraelar sagðir búnir að ákveða að svara fyrir sig Boðflennusæfíll hrellir Kanadamenn Mannskæð loftárás Rússa í Norður-Úkraínu Toppurinn á spírunni fundinn: „Margir í sjokki og enn að ná sér“ Sjá meira
Trump sagður ekki vera á þeim buxunum að ætla að viðurkenna ósigur á næstunni Donald Trump, forseti Bandaríkjanna, er sagður ekki vera á þeim buxunum að ætla að viðurkenna ósigur í forsetakosningunum á næstunni. Þetta herma heimildir fréttastofu Reuters. 8. nóvember 2020 23:31
„Ég verð ekki sú síðasta“ Kamala Harris, verðandi varaforseti Bandaríkjanna, hélt í nótt ræðu þar sem hún heiðraði konur sem hún segir hafa rutt brautina fyrir sig. Hún verður fyrsta konan til þess að gegna embætti varaforseta Bandaríkjanna. 8. nóvember 2020 07:48
Ótrúleg fagnaðarlæti víða um Bandaríkin eftir að sigri Biden var lýst yfir Augu heimsbyggðarinnar voru á Pennsylvaníu í dag á meðan beðið var eftir úrslitum forsetakosninganna í Bandaríkjunum. 7. nóvember 2020 19:36