Reyna að afstýra stórslysi í heilbrigðiskerfinu með fjögurra vikna útgöngubanni Sylvía Hall skrifar 31. október 2020 22:45 Boris Johnson sagði engan ábyrgan forsætisráðherra geta litið fram hjá þeirri stöðu sem nú væri uppi. Getty/Alberto Pezzali-Pool Útgöngubann tekur gildi í Bretlandi á fimmtudag og stendur til að minnsta kosti 2. desember næstkomandi. Boris Johnson forsætisráðherra sagði nauðsynlegt að grípa til harðra aðgerða til þess að koma í veg fyrir „læknisfræðilegt og siðferðilegt stórslys“ í heilbrigðiskerfinu. Illa færi ef ekkert yrði að gert. „Miðað við þá gífurlegu fjölgun sjúklinga, sem eru engan veginn allir aldraðir, myndu læknar og hjúkrunarfræðingar neyðast til þess að velja hvaða sjúklingum ætti að sinna. Hverjir ættu að fá öndunarvél og hverjir ekki. Hverjir fengju að lifa, og hverjir myndu deyja,“ sagði Johnson á blaðamannafundi í dag. Að hans mati gæti enginn ábyrgur forsætisráðherra litið fram hjá þeirri alvarlegu stöðu sem væri uppi, enda væri það óhugnanleg staða að þurfa að velja hvort sinna ætti þeim sem væru veikir vegna kórónuveirunnar og þeim sem glímdu við önnur veikindi. Ef faraldurinn héldi áfram að þróast í sömu átt myndu hundruð þúsunda, og mögulega milljónir, eiga í hættu á að fá ekki nauðsynlega læknisþjónustu. „Þá er hætta á því að í fyrsta skipti í okkar lífstíð myndi heilbrigðiskerfið ekki vera til staðar fyrir okkur og fjölskyldur okkar.“ “Doctors and nurses would be forced to choose between saving Covid patients and non-Covid patients”Prime Minister Boris Johnson says without the national lockdown “the risk is, for the first time in our lives, the NHS will not be there for us”https://t.co/XQtxCRfWaw pic.twitter.com/dzmtI3mWNq— BBC News (UK) (@BBCNews) October 31, 2020 Hættulegast að hundsa veiruna Johnson beindi orðum sínum að efasemdaröddum samfélagsins og sagði nauðsynlegt að bregðast við með réttum hætti. Það væri ekki ógn við heilsu þjóðarinnar að einblína um of á veiruna, heldur væri hin raunverulega hætta fólgin í því að missa tökin. „Svo núna er tíminn til þess að grípa til aðgerða því það er enginn annar valkostur. Frá fimmtudeginum og fram til byrjun desembermánaðar, þá verðið þið að halda ykkur heima.“ Ólíkt því sem var í vor verða skólar opnir. Þá má fólk fara til vinnu ef fjarvinna er ekki möguleiki og fólki er heimilt að stunda líkamsrækt utandyra með fjölskyldumeðlimum eða einni annarri manneskju af öðru heimili. Læknisheimsóknir verða leyfðar og fólk má fara í matvöruverslanir til þess að versla nauðsynjavörur. Krám, skemmtistöðum og veitingastöðum verður gert að loka en mega þó bjóða upp á heimsendingu og selja mat sem tekinn er með heim. Bretar fylgdust með blaðamannafundi dagsins, enda lá fyrir að hertar aðgerðir yrðu kynntar til sögunnar.Getty/Peter Summers Vilja að fjölskyldur geti haldið jól saman Fjöldi staðfestra smita í Bretlandi fór í dag yfir milljón. Tæplega 22 þúsund smit voru staðfest í dag og hefur þeim fjölgað ört undanfarna daga með tilheyrandi álagi á heilbrigðiskerfið. Ráðgjafar ríkisstjórnarinnar höfðu tilkynnt þeim að núverandi þróun væri nú farin fram úr þeirra svörtustu spám. Þrátt fyrir erfiða stöðu vonast forsætisráðherrann til þess að yfirvöld geti gripið til tilslakana í desembermánuði. Hann varaði þó landsmenn við því að jólin yrði mjög frábrugðin því sem þeir væru vanir, en aðgerðirnar miðuðu að því að fjölskyldur gætu komið saman yfir hátíðirnar. Án aðgerða gæti fjöldi látinna á Bretlandseyjum náð 4 þúsund á einum degi samkvæmt spálíkönum, sem BBC vitnar í. Það er þó svartasta spáin, en flest þeirra gera ráð fyrir að um tvö þúsund gætu dáið daglega. Þegar fyrsta bylgjan var sem verst í Bretlandi í vor létust meira en þúsund á hverjum degi. Sérfræðingar fóru yfir þróunina og mögulegar sviðsmyndir á blaðamannafundi dagsins.Getty/Alberto Pezzali-Pool „Við munum komast í gegnum þetta“ Johnson ítrekaði hversu leitt honum þætti að grípa til þessara aðgerða. Þær myndu fyrirsjáanlega hafa verulega neikvæð áhrif á fyrirtæki en til þess að bregðast við því hefðu stjórnvöld ákveðið að framlengja úrræði sem líkist hlutabótaleiðinni, þar sem 80 prósent launa starfsmanna eru greidd af ríkinu „Við munum komast í gegnum þetta, en við verðum að bregðast við núna til þess að ná tökum á þessari haustmánaðafjölgun,“ sagði Johnson en bætti þó við að þessar aðgerðir væru ekki jafn strangar og í vor. „En frá og með fimmtudeginum eru grunnskilaboðin þau sömu: Höldum okkur heima. Verndum heilbrigðiskerfið. Björgum lífum.“ Hér að neðan má sjá blaðamannafundinn í heild sinni. Bretland Faraldur kórónuveiru (COVID-19) Tengdar fréttir Boris boðar til blaðamannafundar Boris Johnson, forsætisráðherra Bretlands, hefur boðað til blaðamannafundar nú síðdegis þar sem líklegt þykir að hann boði hertari aðgerðir vegna kórónuveirufaraldursins 31. október 2020 16:24 Stór jólaboð mögulega bönnuð í Bretlandi Breski dómsmálaráðherrann, Robert Buckland, hefur varað við því að stór jólaboð verði hugsanlega bönnuð í Bretlandi vegna útbreiðslu kórónuveirunnar. 29. október 2020 08:44 Þrýstingur eykst á Johnson að herða aðgerðir 367 andlát voru rakin til Covid-19 í Bretlandi í gær og 23 þúsund manns voru greindir með veiruna. 28. október 2020 06:32 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Fleiri fréttir Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Sjá meira
Útgöngubann tekur gildi í Bretlandi á fimmtudag og stendur til að minnsta kosti 2. desember næstkomandi. Boris Johnson forsætisráðherra sagði nauðsynlegt að grípa til harðra aðgerða til þess að koma í veg fyrir „læknisfræðilegt og siðferðilegt stórslys“ í heilbrigðiskerfinu. Illa færi ef ekkert yrði að gert. „Miðað við þá gífurlegu fjölgun sjúklinga, sem eru engan veginn allir aldraðir, myndu læknar og hjúkrunarfræðingar neyðast til þess að velja hvaða sjúklingum ætti að sinna. Hverjir ættu að fá öndunarvél og hverjir ekki. Hverjir fengju að lifa, og hverjir myndu deyja,“ sagði Johnson á blaðamannafundi í dag. Að hans mati gæti enginn ábyrgur forsætisráðherra litið fram hjá þeirri alvarlegu stöðu sem væri uppi, enda væri það óhugnanleg staða að þurfa að velja hvort sinna ætti þeim sem væru veikir vegna kórónuveirunnar og þeim sem glímdu við önnur veikindi. Ef faraldurinn héldi áfram að þróast í sömu átt myndu hundruð þúsunda, og mögulega milljónir, eiga í hættu á að fá ekki nauðsynlega læknisþjónustu. „Þá er hætta á því að í fyrsta skipti í okkar lífstíð myndi heilbrigðiskerfið ekki vera til staðar fyrir okkur og fjölskyldur okkar.“ “Doctors and nurses would be forced to choose between saving Covid patients and non-Covid patients”Prime Minister Boris Johnson says without the national lockdown “the risk is, for the first time in our lives, the NHS will not be there for us”https://t.co/XQtxCRfWaw pic.twitter.com/dzmtI3mWNq— BBC News (UK) (@BBCNews) October 31, 2020 Hættulegast að hundsa veiruna Johnson beindi orðum sínum að efasemdaröddum samfélagsins og sagði nauðsynlegt að bregðast við með réttum hætti. Það væri ekki ógn við heilsu þjóðarinnar að einblína um of á veiruna, heldur væri hin raunverulega hætta fólgin í því að missa tökin. „Svo núna er tíminn til þess að grípa til aðgerða því það er enginn annar valkostur. Frá fimmtudeginum og fram til byrjun desembermánaðar, þá verðið þið að halda ykkur heima.“ Ólíkt því sem var í vor verða skólar opnir. Þá má fólk fara til vinnu ef fjarvinna er ekki möguleiki og fólki er heimilt að stunda líkamsrækt utandyra með fjölskyldumeðlimum eða einni annarri manneskju af öðru heimili. Læknisheimsóknir verða leyfðar og fólk má fara í matvöruverslanir til þess að versla nauðsynjavörur. Krám, skemmtistöðum og veitingastöðum verður gert að loka en mega þó bjóða upp á heimsendingu og selja mat sem tekinn er með heim. Bretar fylgdust með blaðamannafundi dagsins, enda lá fyrir að hertar aðgerðir yrðu kynntar til sögunnar.Getty/Peter Summers Vilja að fjölskyldur geti haldið jól saman Fjöldi staðfestra smita í Bretlandi fór í dag yfir milljón. Tæplega 22 þúsund smit voru staðfest í dag og hefur þeim fjölgað ört undanfarna daga með tilheyrandi álagi á heilbrigðiskerfið. Ráðgjafar ríkisstjórnarinnar höfðu tilkynnt þeim að núverandi þróun væri nú farin fram úr þeirra svörtustu spám. Þrátt fyrir erfiða stöðu vonast forsætisráðherrann til þess að yfirvöld geti gripið til tilslakana í desembermánuði. Hann varaði þó landsmenn við því að jólin yrði mjög frábrugðin því sem þeir væru vanir, en aðgerðirnar miðuðu að því að fjölskyldur gætu komið saman yfir hátíðirnar. Án aðgerða gæti fjöldi látinna á Bretlandseyjum náð 4 þúsund á einum degi samkvæmt spálíkönum, sem BBC vitnar í. Það er þó svartasta spáin, en flest þeirra gera ráð fyrir að um tvö þúsund gætu dáið daglega. Þegar fyrsta bylgjan var sem verst í Bretlandi í vor létust meira en þúsund á hverjum degi. Sérfræðingar fóru yfir þróunina og mögulegar sviðsmyndir á blaðamannafundi dagsins.Getty/Alberto Pezzali-Pool „Við munum komast í gegnum þetta“ Johnson ítrekaði hversu leitt honum þætti að grípa til þessara aðgerða. Þær myndu fyrirsjáanlega hafa verulega neikvæð áhrif á fyrirtæki en til þess að bregðast við því hefðu stjórnvöld ákveðið að framlengja úrræði sem líkist hlutabótaleiðinni, þar sem 80 prósent launa starfsmanna eru greidd af ríkinu „Við munum komast í gegnum þetta, en við verðum að bregðast við núna til þess að ná tökum á þessari haustmánaðafjölgun,“ sagði Johnson en bætti þó við að þessar aðgerðir væru ekki jafn strangar og í vor. „En frá og með fimmtudeginum eru grunnskilaboðin þau sömu: Höldum okkur heima. Verndum heilbrigðiskerfið. Björgum lífum.“ Hér að neðan má sjá blaðamannafundinn í heild sinni.
Bretland Faraldur kórónuveiru (COVID-19) Tengdar fréttir Boris boðar til blaðamannafundar Boris Johnson, forsætisráðherra Bretlands, hefur boðað til blaðamannafundar nú síðdegis þar sem líklegt þykir að hann boði hertari aðgerðir vegna kórónuveirufaraldursins 31. október 2020 16:24 Stór jólaboð mögulega bönnuð í Bretlandi Breski dómsmálaráðherrann, Robert Buckland, hefur varað við því að stór jólaboð verði hugsanlega bönnuð í Bretlandi vegna útbreiðslu kórónuveirunnar. 29. október 2020 08:44 Þrýstingur eykst á Johnson að herða aðgerðir 367 andlát voru rakin til Covid-19 í Bretlandi í gær og 23 þúsund manns voru greindir með veiruna. 28. október 2020 06:32 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Helga Þórisdóttir komin með lágmarksfjölda meðmæla Innlent Tveir létust í banaslysi í Eyjafirði Innlent Spaðar Rauðu myllunnar hrundu til jarðar í nótt Erlent Segir borgarstjóra óttalegan vettling Innlent Fleiri fréttir Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Dregur úr vinnu og verkefnum Sjá meira
Boris boðar til blaðamannafundar Boris Johnson, forsætisráðherra Bretlands, hefur boðað til blaðamannafundar nú síðdegis þar sem líklegt þykir að hann boði hertari aðgerðir vegna kórónuveirufaraldursins 31. október 2020 16:24
Stór jólaboð mögulega bönnuð í Bretlandi Breski dómsmálaráðherrann, Robert Buckland, hefur varað við því að stór jólaboð verði hugsanlega bönnuð í Bretlandi vegna útbreiðslu kórónuveirunnar. 29. október 2020 08:44
Þrýstingur eykst á Johnson að herða aðgerðir 367 andlát voru rakin til Covid-19 í Bretlandi í gær og 23 þúsund manns voru greindir með veiruna. 28. október 2020 06:32