Innlent

Alls greindust 75 innan­lands í gær

Atli Ísleifsson skrifar
Fjöldi staðfestra smita á Íslandi frá upphafi faraldursins nálgast nú fimm þúsund.
Fjöldi staðfestra smita á Íslandi frá upphafi faraldursins nálgast nú fimm þúsund. Vísir/Vilhelm

Alls greindust 75 með kórónuveiruna innan­lands í gær. Sextíu af þessum 75 voru í sóttkví , eða 80 prósent.

Þetta kemur fram í uppfærðum tölum á vefnum covid.is. Alls eru 64 nú á sjúkrahúsi vegna Covid-19, þar af fjórir á gjörgæslu. Í gær voru 62 á sjúkrahúsi og tveir á gjörgæslu.

Alls greindust fimm smitaðir á landamærum. Var um að ræða eitt virkt smit og svo er mótefnamælingar beðið í tilvikum fjögurra.

996 manns eru nú í einangrun, samanborið við 1.005 í gær. Þá eru 1.654 í sóttkví í dag, samanborið við 1.730 í gær.

Þriðja bylgjan.

Nýgengi innanlandssmita, þ.e. fjöldi smitaðra á hverja 100 þúsund íbúa undanfarnar tvær vikur, er nú 213,3 en var 211,1 í gær. Þá er nýgengi landamærasmita nú 24,8, en var 24,3 í gær.

Nú hafa 4.797 manns greinst smitaðir af kórónuveiru frá upphafi faraldursins. Af þeim veikst hafa af Covid-19 eru þrettán nú látnir.

Af þeim 75 sem greindust innanlands í gær greindust 65 eftir að tekin voru svokölluð einkennasýni og tíu við sóttkvíar- og handahófsskimun.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×