Erlent

Í­búar Chile sam­þykktu að gera breytingar á stjórnar­skrá landsins

Telma Tómasson skrifar
Fögnuður braust út í höfuðborginni Santiago og víðar um landið þegar niðurstöður þjóðaratkvæðagreiðslunnar lágu fyrir.
Fögnuður braust út í höfuðborginni Santiago og víðar um landið þegar niðurstöður þjóðaratkvæðagreiðslunnar lágu fyrir. AP/Luis Hidalgo

Þúsundir komu saman í borgum og bæjum í Chile í gærkvöldi til að fagna því að meirihluti kjósenda hefði samþykkt breytingar á stjórnarskrá landsins í þjóðaratkvæðagreiðslu.

Núgildandi stjórnarskrá er frá stjórnartíð einræðisherrans Augustos Pinochet. 78 prósent kjósenda voru fylgjandi nýrri stjórnarskrá þegar 90 prósent atkvæða höfðu verið talin, eftir því sem fram kemur á vef BBC.

Sebastian Piñera, forseti Chile, hefur samþykkt niðurstöðuna og fagnaði því að framkvæmd þjóðaratkvæðagreiðslunnar hefði farið friðsamlega fram. Sagði Piñera að þetta væri upphafið að göngu sem allir þyrftu að fara í sameiginlega.

Krafan um nýja stjórnarskrá kom frá mótmælahreyfingu sem hóf að láta í sér heyra fyrir um ári. Mikið misrétti er í Chile og bilið milli þjóðfélagshópa stórt.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.