Innlent

58 greindust með veiruna í gær

Vésteinn Örn Pétursson skrifar
Frá skimun við Suðurlandsbraut.
Frá skimun við Suðurlandsbraut. Vísir/Vilhelm

58 greindust með kórónuveiruna innanlands í gær. Af þeim voru 45 í sóttkví við greiningu, eða 78%, en 13 utan sóttkvíar.  Þetta kemur fram í uppfærðum tölum á covid.is.

50 greindust við töku einkennasýna hjá Landspítala og Íslenskri erfðagreiningu, sjö við sóttkvíar- og handahófsskimun og einn í skimun á vegum ÍE.

Nýgengi innanlandssmita er nú 227,7 og hefur ekki verið lægra síðan 9. október síðastliðinn.

Tekin voru 1.413 sýni síðasta sólarhringinn. Alls eru nú 959 í einangrun með innanlandssmit. Nú eru 2.049 manns í sóttkví og 1.307 í skimunarsóttkví.

Einn greindist á landamærunum, en í því tilfelli er mótefnamælingar beðið.

Fréttin hefur verið uppfærð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×