Tómar fangageymslur í nótt

Kjartan Kjartansson skrifar 25. október 2020 07:15

Starfssemi veitinga- og öldurhúsa í miðborg Reykjavíkur er nú lítil sem engin vegna samkomutakmarkana. Vísir/Vísir

Fangageymslur lögreglunnar á höfuðborgarsvæðinu voru tómar snemma í morgun sem þykir sæta tíðindum. Samkomubann og takmarkanir á starfsemi veitinga- og öldurhúsa hefur nú verið í gildi um nokkurra vikna skeið.

Í dagbók lögreglunnar á höfuðborgarsvæðinu sem var send til fjölmiðla um klukkan 5:00 í morgun kom fram að fangageymslurnar hafi verið tómar frá því í gærdag. Hallgrímur Hallgrímsson, varðstjóri á lögreglustöðinni við Hverfisgötu, skrifar að hann muni ekki til þess að það hafi áður gerst á aðfaranótt sunnudags.

Með reglugerð heilbrigðisráðherra um takmarkanir á samkomum vegna kórónuveirufaraldursins eru krár og skemmtistaðir lokaðir. Þá mega veitingastaðir aðeins verið opnir til klukkan 21:00 á kvöldin. Þá er almennt bann við samkomum fleiri en tuttugu manna í gildi.

Faraldur kórónuveiru (COVID-19) Lögreglumál Reykjavík

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.