Fótbolti

Hólm­fríður kemur inn í hópinn fyrir leikinn mikil­væga gegn Svíum

Runólfur Trausti Þórhallsson skrifar
Hólmfríður Magnúsdóttir í leik með íslenska landsliðinu á sínum tíma.
Hólmfríður Magnúsdóttir í leik með íslenska landsliðinu á sínum tíma. Vísir/Daníel

Hólmfríður Magnúsdóttir, leikmaður Avaldsnes í Noregi, hefur verið kölluð inn í íslenska landsliðshópinn fyrir leikinn mikilvæga gegn Svíum í undankeppni EM.

Jón Þór Hauksson, landsliðsþjálfari Íslands, hefur kallað Hólmfríði Magnúsdóttur, inn í íslenska landsliðshópinn fyrir leikinn mikilvæga gegn Svíþjóð í undankeppni EM þann 27. október.

Kemur þetta fram á vef KSÍ í dag.

Hin 36 ára gamla Hólmfríður kemur inn í hópinn fyrir Dagnýju Brynjarsdóttur sem hefur átt við meiðsli að glíma undanfarið. Hólmfríður hefur leikið 112 leiki fyrir A-landslið Íslands og skorað í þeim 37 mörk.

Hún gekk nýverið til liðs við Avaldsnes að nýju eftir að hafa leikið með Selfyssingum í Pepsi Max deildinni. Því má segja að Selfyssingur sé að leysa Selfyssing af hólmi í landsliðinu þar sem Dagný er í dag leikmaður liðsins.

Ísland og Svíþjóð gerðu 1-1 jafntefli er þau mættust á Laugardalsvelli og því er um algjöran úrslitaleik að ræða í riðlinum en bæði lið eru með 13 stig í efstu tveimur sætunum.

Leikur Svíþjóðar og Íslands verður sýndur beint á Stöð 2 Sport þann 27. október.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.