Segja Rittenhouse hetju og föðurlandsvin Samúel Karl Ólason skrifar 24. september 2020 22:45 Kyle Rittenhouse í Kenosha þann 25. ágúst. Seinna um kvöldið skaut hann tvo menn til bana og særði þriðja. AP/Adam Rogan Lögmenn Kyle Rittenhouse segja hann ekki hræddan táning sem skotið hafi tvo til bana í sjálfsvörn í Kenosha í Bandaríkjunum í síðasta mánuði. Hann sé föðurlandsvinur. Rittenhouse hafi verið að verja frelsi sitt og réttindi til að bera vopn í óeirðum á götum borgarinnar. Í myndbandi sem hópur sem tengis lögmannateymi Rittenhouse birti í vikunni segir að stjórnmálamenn séu að reyna að fórna honum. Það sé gert í þeim tilgangi að fella niður stjórnarskrábundinn rétt borgara til að vernda samfélög sín. John Pierce, aðallögmaður í teymi Rittenhouse birti tíst fyrr í mánuðinum þar sem hann líkti skjólstæðingi sínum við hetjur frelsisstríðs Bandaríkjanna. Önnur bylting gegn ógnarstjórn væri hafin í Bandaríkjunum. Hann eyddi tístinu þó fljótlega. Aðrir lögmenn í teyminu hafa farið mikinn á samfélagsmiðlum og þannig hafa þeir safnað nærri því tveimur milljónum dala til lögfræðikostnaðar Rittenhouse, samkvæmt AP fréttaveitunni. Sérfræðingar sem blaðamann fréttaveitunnar ræddu við segja þó óljóst hvort að pólitískur áróður sem þessi muni virka í dómsal, þó hann virðist virka á samfélagsmiðlum. Samkvæmt AP hafa báðir helstu lögmenn Rittenhouse tengingar við Trump. Rudy Giuliani, einkalögmaður Trump, réði Pierce til að mynda í fyrra þegar hann var sagður til rannsóknar vegna starfa hans í Úkraínu. Hinn lögmaðurinn, Lin Wood, sem sérhæfir sig í meiðyrðamálum, er einnig lögmaður Sean Hannity, fréttamanns á Fox og vinar Trump. Sjá einnig: Trump lýsti yfir stuðningi við táning sem skaut þrjá menn Umfangsmikil mótmæli vegna kerfisbundins rasisma í Bandaríkjunum, sem snerust upp í óeirðir, fóru fram í Kenosha í síðasta mánuði. Þau hófust eftir að lögregluþjónn skaut hinn þeldökka Jacob Blake ítrekað í bakið úr miklu návígi. Rittenhouse lagði leið sína til borgarinnar, úr öðru ríki og vopnaður hálfsjálfvirkum riffli, og gekk þar til liðs við hóp vopnaðra manna sem settu sér það markmið að verja fyrirtæki í borginni gegn mótmælendum og óeirðarseggjum. Á Facebook og Reddit höfðu hægri sinnaðir aðilar kallað eftir því að vopnaðir menn streymdu til Kenosha og tækju jafnvel lögin í sínar hendur. Áður en kvöldið var úti hafði Rittenhouse skotið tvo til bana og sært einn. Árásarmaður eða „bráð“? Saksóknarar segja Rittenhouse hafa skotið fyrsta manninn, Joseph Rosenbaum, eftir að sá síðarnefndi reyndi að kasta plastpoka. Verjendur Rittenhouse segja hins vegar að Rosenbaum hafi leitt hóp brennuvarga sem hafi litið á Rittenhouse sem „bráð“. Farið er yfir atburðarásina í fréttinni hér að neðan. Eins og áður segir eru sérfræðingar ekki vissir um að það sé í þágu Rittenhouse að lýsa honum sem frelsishetju og telja viðmælendur AP að það gæti komið niður á vörn hans fyrir dómstólum. „Þeir eru að spila inn í neikvæðustu staðalímyndirnar, það sem gagnrýnendur hans sjá hann sem. Brjálaðan vopnaðan mann sem var þarna til að valda skaða og koma af stað byltingu,“ sagði lögmaðurinn Robert Barnes við AP. Eric Creizman, sem starfaði áður með Pierce, segir áróðurinn og öfgarnar í ummælum Pierce ekki koma sér á óvart. Hann setur þó spurningarmerki við hvort það hjálpi Rittenhouse. „Þeir ættu að einbeita sér að spurningunni hvort þessi maður sé sekur um það sem hann er sakaður um, í stað þess að gera þetta að pólitísku deiluefni.“ Það hvað fjáröflun lögmannanna hefur gengið vel hefur sömuleiðis vakið áhyggjur um að þeir muni gera það sem þeir geta til að tefja málið og halda því, og fjáröfluninni, gangandi. Lagaprófessorinn Jonathan Turley, sagði AP að það kæmi honum ekki á óvart að á endanum yrði allt tal um Rittenhouse sem hetju lagt til hliðar og vörn hans yrði einfölduð til muna. Hún myndi snúast um að hann hafi verið strákur sem lent hafi í aðstöðu sem hann réði ekki við. Bandaríkin Skotárásir í Bandaríkjunum Donald Trump Dauði George Floyd Mest lesið Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Íbúar Austur-Grænlands mótmæltu einangrun og pólitísku afskiptaleysi Erlent Skutu mann í röngu húsi en brutu ekki af sér Erlent Grunaður árásarmaður í Úlfarsárdal handtekinn Innlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Hjalti Snær sá sem fannst látinn Innlent Haraldur Jóhannsson er látinn Innlent Öskrandi og ber að ofan við grunnskóla Innlent Fleiri fréttir Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Nicusor Dan nýr forseti Rúmeníu Trump sorgmæddur yfir greiningu Biden Joe Biden með krabbamein Íslenskur farþegi í bílslysi þar sem barn lést Sjá meira
Lögmenn Kyle Rittenhouse segja hann ekki hræddan táning sem skotið hafi tvo til bana í sjálfsvörn í Kenosha í Bandaríkjunum í síðasta mánuði. Hann sé föðurlandsvinur. Rittenhouse hafi verið að verja frelsi sitt og réttindi til að bera vopn í óeirðum á götum borgarinnar. Í myndbandi sem hópur sem tengis lögmannateymi Rittenhouse birti í vikunni segir að stjórnmálamenn séu að reyna að fórna honum. Það sé gert í þeim tilgangi að fella niður stjórnarskrábundinn rétt borgara til að vernda samfélög sín. John Pierce, aðallögmaður í teymi Rittenhouse birti tíst fyrr í mánuðinum þar sem hann líkti skjólstæðingi sínum við hetjur frelsisstríðs Bandaríkjanna. Önnur bylting gegn ógnarstjórn væri hafin í Bandaríkjunum. Hann eyddi tístinu þó fljótlega. Aðrir lögmenn í teyminu hafa farið mikinn á samfélagsmiðlum og þannig hafa þeir safnað nærri því tveimur milljónum dala til lögfræðikostnaðar Rittenhouse, samkvæmt AP fréttaveitunni. Sérfræðingar sem blaðamann fréttaveitunnar ræddu við segja þó óljóst hvort að pólitískur áróður sem þessi muni virka í dómsal, þó hann virðist virka á samfélagsmiðlum. Samkvæmt AP hafa báðir helstu lögmenn Rittenhouse tengingar við Trump. Rudy Giuliani, einkalögmaður Trump, réði Pierce til að mynda í fyrra þegar hann var sagður til rannsóknar vegna starfa hans í Úkraínu. Hinn lögmaðurinn, Lin Wood, sem sérhæfir sig í meiðyrðamálum, er einnig lögmaður Sean Hannity, fréttamanns á Fox og vinar Trump. Sjá einnig: Trump lýsti yfir stuðningi við táning sem skaut þrjá menn Umfangsmikil mótmæli vegna kerfisbundins rasisma í Bandaríkjunum, sem snerust upp í óeirðir, fóru fram í Kenosha í síðasta mánuði. Þau hófust eftir að lögregluþjónn skaut hinn þeldökka Jacob Blake ítrekað í bakið úr miklu návígi. Rittenhouse lagði leið sína til borgarinnar, úr öðru ríki og vopnaður hálfsjálfvirkum riffli, og gekk þar til liðs við hóp vopnaðra manna sem settu sér það markmið að verja fyrirtæki í borginni gegn mótmælendum og óeirðarseggjum. Á Facebook og Reddit höfðu hægri sinnaðir aðilar kallað eftir því að vopnaðir menn streymdu til Kenosha og tækju jafnvel lögin í sínar hendur. Áður en kvöldið var úti hafði Rittenhouse skotið tvo til bana og sært einn. Árásarmaður eða „bráð“? Saksóknarar segja Rittenhouse hafa skotið fyrsta manninn, Joseph Rosenbaum, eftir að sá síðarnefndi reyndi að kasta plastpoka. Verjendur Rittenhouse segja hins vegar að Rosenbaum hafi leitt hóp brennuvarga sem hafi litið á Rittenhouse sem „bráð“. Farið er yfir atburðarásina í fréttinni hér að neðan. Eins og áður segir eru sérfræðingar ekki vissir um að það sé í þágu Rittenhouse að lýsa honum sem frelsishetju og telja viðmælendur AP að það gæti komið niður á vörn hans fyrir dómstólum. „Þeir eru að spila inn í neikvæðustu staðalímyndirnar, það sem gagnrýnendur hans sjá hann sem. Brjálaðan vopnaðan mann sem var þarna til að valda skaða og koma af stað byltingu,“ sagði lögmaðurinn Robert Barnes við AP. Eric Creizman, sem starfaði áður með Pierce, segir áróðurinn og öfgarnar í ummælum Pierce ekki koma sér á óvart. Hann setur þó spurningarmerki við hvort það hjálpi Rittenhouse. „Þeir ættu að einbeita sér að spurningunni hvort þessi maður sé sekur um það sem hann er sakaður um, í stað þess að gera þetta að pólitísku deiluefni.“ Það hvað fjáröflun lögmannanna hefur gengið vel hefur sömuleiðis vakið áhyggjur um að þeir muni gera það sem þeir geta til að tefja málið og halda því, og fjáröfluninni, gangandi. Lagaprófessorinn Jonathan Turley, sagði AP að það kæmi honum ekki á óvart að á endanum yrði allt tal um Rittenhouse sem hetju lagt til hliðar og vörn hans yrði einfölduð til muna. Hún myndi snúast um að hann hafi verið strákur sem lent hafi í aðstöðu sem hann réði ekki við.
Bandaríkin Skotárásir í Bandaríkjunum Donald Trump Dauði George Floyd Mest lesið Skilti Vegagerðarinnar morandi í villum: „Er ekkert gæðaeftirlit hjá ykkur?“ Innlent Íbúar Austur-Grænlands mótmæltu einangrun og pólitísku afskiptaleysi Erlent Skutu mann í röngu húsi en brutu ekki af sér Erlent Grunaður árásarmaður í Úlfarsárdal handtekinn Innlent Nota lygapróf til að leita lekamanna og refsa þeim Erlent Leigubílstjóri fór í svaðilför á Teslunni upp í Þórsmörk og sneri heill heim Innlent Sat fyrir forseta Suður-Afríku með ásökunum um þjóðarmorð á hvítum Erlent Hjalti Snær sá sem fannst látinn Innlent Haraldur Jóhannsson er látinn Innlent Öskrandi og ber að ofan við grunnskóla Innlent Fleiri fréttir Íbúar Austur-Grænlands mótmæltu einangrun og pólitísku afskiptaleysi Skutu mann í röngu húsi en brutu ekki af sér Nota lygapróf til að leita lekamanna og refsa þeim Notuðu þúsundir myndavéla til að vakta hergagnaflutninga Sat fyrir forseta Suður-Afríku með ásökunum um þjóðarmorð á hvítum Handtóku unga öfgahægrimenn sem hugðu á hryðjuverk Úkraínskur fyrrverandi embættismaður skotinn til bana í Madrid Norðmenn þurfa að taka tillit til loftslagsáhrifa olíuvinnslunar Dreifing hjálpargagna enn ekki hafin Senda farandfólk frá Asíu til Suður-Súdan Synir El Chapo sagðir hafa myndað afdrífaríkt bandalag Ætlar að eyða mun minna í pólitíkina Hætta viðræðum við Ísrael og boða aðgerðir Evrópuríki leggja refsiaðgerðir á „skuggaflota“ Rússa Fjarlægja höfundarmerkingu einnar frægustu fréttaljósmyndar sögunnar Leiðtogar Bretlands, Frakklands og Kanada hóta aðgerðum gegn Ísrael Sagði „Diddy“ hafa hótað að láta hana hverfa Suðureyjargöng náðu ekki í gegnum Lögþingið Borga fyrir skotfæri til Úkraínu með frystum eigum Rússa „Frábært“ símtal en án niðurstöðu Forsætisráðherra Spánar vill Ísrael í bann frá Eurovision Banna „óæskilega“ starfsemi Amnesty International í Rússlandi Stefnir í baráttu á milli frjálslyndis og íhalds í Póllandi Árangur í viðræðum Bretlands við Evrópusambandið Ísraelsk stjórnvöld segjast ætla að hleypa hjálpargögnum á Gasa Spænska ríkissjónvarpið vill að símakosningin verði yfirfarin Nicusor Dan nýr forseti Rúmeníu Trump sorgmæddur yfir greiningu Biden Joe Biden með krabbamein Íslenskur farþegi í bílslysi þar sem barn lést Sjá meira