Viðskipti innlent

Ó­vissa um að­komu líf­eyris­sjóðanna að hluta­fjár­út­boði Icelandair

Atli Ísleifsson skrifar
Hlutafjárútboð Icelandair hefst í dag.
Hlutafjárútboð Icelandair hefst í dag. Vísir/vilhelm

Hlutafjárútboð Icelandair hefst í dag og í Fréttablaðinu segir að mikil óvissa sé um mögulega aðkomu lífeyrissjóðanna að útboðinu. Þátttaka þeirra er talin ráða úrslitum um hvort félaginu takist að sækja sér nýtt hlutafé.

Í blaðinu segir að fjórir stærstu sjóðirnir – Lífeyrissjóður verslunarmanna, LSR, Gildi og Birta – hafi ekki enn gefið það út hvort þeir ætli að taka þátt. Stjórnir sjóðanna munu hafa boðað til fundar síðar í dag og snemma á morgun þar sem endanleg ákvörðun verður væntanlega tekin.

Markaður Fréttablaðsins segist hafa heimildir fyrir því að mest óvissa ríki um afstöðu Lífeyrissjóðs verslunarmanna og Gildis en stjórn fyrrnefnda sjóðsins kemur saman til fundar eftir hádegið.

Blaðið segir talsverða gjá vera á milli fulltrúa atvinnurekenda annars vegar og fulltrúa VR hins vegar í stjórninni um hvort lífeyrissjóðurinn eigi að koma að útboðinu. Sjóðurinn er í dag næststærsti hluthafi Icelandair með um 11,8 prósenta hlut.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
1,88
0
0
ORIGO
0,67
4
46.689
REITIR
0,64
15
259.408
REGINN
0
8
40.923
ICEAIR
0
0
0

Mesta lækkun dagsins


Félag
Br.%
Fjöldi
Velta*
SKEL
-2,5
3
40.970
HAGA
-2,29
13
229.314
FESTI
-2,05
10
182.389
VIS
-1,89
8
176.627
MAREL
-1,69
22
239.495
Velkomin á Vísi. Þessi vefur notar vafrakökur. Sjá nánar.