De Bruyne á miðjunni hjá Belgum

Kevin De Bruyne er í byrjunarliði Belgíu og verður einn þeirra sem hinn 18 ára gamli Andri Fannar Baldursson fær að kljást við í leik Belgíu og Íslands í Þjóðadeildinni í kvöld.

Óvissa ríkti um hvort De Bruyne yrði með þar sem kona hans var komin á steypirinn en dóttir þeirra fæddist í tæka tíð svo að Manchester City stjarnan yrði með í kvöld.

Toby Alderweireld er fyrirliði Belga í kvöld og Michy Batshuayi er í fremstu víglínu í stað Romelu Lukaku sem verður ekki með í leiknum. Eden Hazard er á varamannabekknum hjá Belgum.

Byrjunarlið Belga má sjá hér að neðan: