Körfubolti

Nýliðarnir fá tvo leikmenn fyrir komandi átök

Runólfur Trausti Þórhallsson skrifar
Stefanía Ósk mun leika með Fjölni á næstu leiktíð.
Stefanía Ósk mun leika með Fjölni á næstu leiktíð. Vísir/Facebook-síða Fjölnis

Nýliðar Fjölnis í Dominos-deild kvenna hafa fengu tvo leikmenn í sínar raðir í dag. Tilkynnt var um þetta á Facebook-síðu félagsins.

Fjölnir vann 1. deildina á síðustu leiktíð en liðið var með fjögurra stiga forystu þegar deildin var blásin af vegna kórónufaraldursins. Þar með unnu þær sér inn sæti í efstu deild fyrir komandi leiktíð.

Íraska landsliðskonan Fiona O´Dwyer – sem sjá má í leik gegn Íslandi í Facebook-færslu Fjölnis – hefur skrifað undir samning við nýliðana. Hin 29 ára gamla O´Dwyer er einnig með bandarískt vegabréf en lék síðast á Spáni. Á hún að styrkja annars ungan leikmananhóp sem mun eflaust eiga undir högg að sækja sem nýliðar í vetur.

Hin 19 ára gamla Stefanía Ósk Ólafsdóttir hefur einnig skrifað undir samning við Fjölni en hún lék með liðinu á láni frá Haukum á síðustu leiktíð. Þessi 1.73 metra hái miðherji skoraði að meðaltali sjö stig í leik ásamt því að taka rúmlega fjögur fráköst.

Fjölnir fær Snæfell í heimsókn í fyrstu umferð Dominos-deildarinnar þann 23. september næstkomandi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.