Golf

Sportpakkinn: Rory McIlroy líður vel í efsta sæti heimslistans

Óskar Ófeigur Jónsson skrifar
Rory McIlroy er að spila vel þessa dagana.
Rory McIlroy er að spila vel þessa dagana. Getty/Barry Chin

Bestu kylfingar heims hefja leik á heimsmóti í golfi í Chapultepec vellinum í Mexikóborg síðar í dag. Þetta er fyrsta mót ársins af fjórum í heimsmótaröðinni og það er til mikils að vinna. Arnar Björnsson skoðaði mótið nánar.

Dustin Johnson sigraði í fyrra og fékk 1,745 milljónir bandaríkjadali í verðlaun og að auki 550 FEDEX stig. Johnson varð 5 höggum á undan Rory McIlroy sem varð að láta sér nægja 1,095 milljónir dollara.
 
72 kylfingar keppa á mótinu og þeir skipta með sér rúmlega tíu milljónum dollara eða tæplega 1,3 milljarði íslenskra króna. Fimmtíu stigahæstu kylfingarnir frá síðasta heimslista fá keppnisrétt en nokkrir þeirra ákváðu að taka ekki þátt í mótinu, þeirra á meðal Tiger Woods sem náði sér ekki á strik á Genesis mótinu um síðustu helgi.

Ástralinn Adam Scott vann þá sinn fjórtánda sigur í PGA mótaröðinni og þann fyrsta í fjögur ár. Með sigrinum fór Scott upp um sjö sæti á heimslistanum og er núna í sjöunda sæti. Norður Írinn Rory McIlroy heldur fyrsta sætinu á heimslistanum.

„Það er gott að vera kominn aftur til Mexikó. Ég er búinn að spila vel í síðustu tvö skiptin. DJ (Dustin Johnson) var aðeins of góður í fyrra, ég spilaði lokahringinn með honum. Mér hefur alltaf liðið vel í þunna loftinu. Ég hef spilað vel hérna líkt og í Sviss og víðar í Evrópu. Mér líður vel og um það snýst þetta. Ég átti gott á í fyrra og held áfram að bæta suma þættina hjá mér og byggja ofan á fína spilamennsku. Í fyrsta sinn í hálft fimmta ár er ég í fyrsta sæti á heimslistanum þannig að mér líður vel“, sagði Rory McIlroy.

Það má sjá frétt Arnars Björnssonar hér fyrir neðan.

Klippa: Sportpakkinn: Rory McIllroy líður vel í efsta sæti heimslistans



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.