Viðskipti innlent

Cintamani opnar von bráðar eftir gjald­þrot

Kristín Ólafsdóttir skrifar
Cintamani hafði nýverið opnað verslun á Laugavegi 20, þar sem Heilsuhúsið var áður til húsa.
Cintamani hafði nýverið opnað verslun á Laugavegi 20, þar sem Heilsuhúsið var áður til húsa. Vísir/arnar

Kauptilboð í Cintamani hefur verið samþykkt og mun rekstur verslana undir merkjum félagsins því hefjast að nýju von bráðar. Cintamani var tekið til gjaldþrotaskipta í lok janúar.

Mbl greinir frá og hefur eftir Margréti Ásu Eðvarðsdóttur, sem hefur umsjón með sölu Cintamani hjá Íslandsbanka, að kauptilboð hafi verið samþykkt. Ekki er hægt að greina frá því hver kaupandi er en Margrét segir að vonast sé til að kaupin verði frágengin í næstu viku.

Greint var frá því í lok janúar síðastliðnum að Cintamani hefði verið tekið til gjaldþrotaskipta og sett í söluferli hjá Íslandsbanka. Á meðal þess sem var auglýst til sölu, og hefur nú verið keypt, er vörulager fyrirtækisins, sem og skráð vörumerki félagsins ásamt léninu www.cintamani.is.

Dagný Guðmundsdóttir, framkvæmdastjóri Cintamani, sagði í samtali við Vísi daginn sem greint var frá gjaldþrotinu að hún væri vongóð um að verslanir fyrirtækisins opnuðu aftur innan tíðar. Þá kvaðst hún vita til þess að áhugi væri á sölunni og að nokkur tilboð hefðu borist í eignirnar.

Rekstur Cintamani hefur gengið erfiðlega allt frá árinu 2016. Félagið hefur reglulega verið sett í söluferli síðan þá en tilboðum verið hafnað. Fyrirtækið lokaði nýlega verslun sinni í Bankastræti og þá hafði verið tilkynnt um lokun verslana í Smáralind og á Akureyri. Enn voru Cintamaniverslanir opnar á Laugavegi og í Kringlunni.

Tengd skjöl


Tengdar fréttir




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
5,75
11
3.998
SJOVA
2,5
3
14.200
KVIKA
2,22
16
226.078
BRIM
1,49
5
59.231
ARION
1,26
3
50.701

Mesta lækkun dagsins


Félag
Br.%
Fjöldi
Velta*
REITIR
-2,97
7
62.426
HAGA
-2,04
4
115.400
EIK
-1,7
3
25.988
REGINN
-0,88
7
127.901
MAREL
-0,87
4
649
Velkomin á Vísi. Þessi vefur notar vafrakökur. Sjá nánar.