Enski boltinn

Evra talaði eins og margir stuðningsmenn Man. United hugsa eflaust í dag

Óskar Ófeigur Jónsson skrifar
Patrice Evra með Sir Alex Ferguson og enska meistaratitilinn.
Patrice Evra með Sir Alex Ferguson og enska meistaratitilinn. Getty/ Matthew Peters

Það er ekki gott að vera stuðningsmaður Manchester United í dag eftir að liðið lenti 30 stigum á eftir erkifjendum sínum í Liverpool með því að tapa á Anfield í gær.

Það er eitt að vera þrjátíu stigum frá toppsæti deildarinnar en það er annað að horfa upp á erkifjendur sína vera að rúlla upp ensku úrvalsdeildinni.

Patrice Evra er enn harður stuðningsmaður félagsins en Frakkinn lék með Manchester United í átta ár frá 2006 til 2015 og varð fimm sinnum enskur meistari á tíma sínum á Old Trafford.

Á tíma hans með Manchester United vann félagið enska titilinn í sextánda (2007), sautjánda (2008), átjánda (2009), nítjánda (2011) og tuttugasta (2013) skiptið og tók þar með efsta sætið af Liverpool sem sigursælasta félagið í sögu efstu deildar á Englandi.


Liverpool vann sinn átjánda meistaratitil vorið 1990 en hefur ekki unnið hann síðan þá. Biðin hefur verið löng og erfið fyrir stuðningsmenn Liverpool en þeim mun skemmtilegri fyrir kollega þeirra í Manchester United.

Þegar Liverpool vann ellefu meistaratitla á árunum 1973 til 1990 þá vann Manchester United engan og stuðningsmenn liðsins þurftu eflaust að þola háðsglósur. Þetta snerist við á síðustu þrjátíu árum.

Nú óttast margir stuðningsmenn Manchester United viðbrögð kollega þeirra í stuðningsmannasveit Liverpool þegar titilinn fer loksins á loft á Anfield. Nokkur klúður á lokasprettinum á síðustu árum hafa lengt biðina en Liverpool liðið getur varla klúðrað titlinum úr þessu.

Patrice Evra talaði því á Sky Sports í gær eins og margir stuðningsmenn Man. United hugsa eflaust í dag. Hvernig verða fyrstu fimm mánuðirnir eftir að Liverpool verðir loksins enskur meistari og minnkar forskot United á titlalistanum aftur í einn titil? Það má búast við því að United menn fá eitthvað að heyra af því á samfélagsmiðlum sem og í daglegu tali.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.