Handbolti

Forsetinn hefur fært handboltalandsliðinu mikla lukku

Óskar Ófeigur Jónsson skrifar
Herra Guðni Th. Jóhannesson, forseti Íslands, á leik Íslands á EM.
Herra Guðni Th. Jóhannesson, forseti Íslands, á leik Íslands á EM. Mynd/Fésbókarsíða Forseta Íslands

Herra Guðni Th. Jóhannesson, forseti Íslands, hefur mætt á tvo leiki íslenska landsliðsins á Evrópumótinu í handbolta og íslenska liðið hefur unnið þá báða.



Liðið vann fyrst sigur á heimsmeisturum Dana í riðlakeppninni og vann síðan spútniklið Portúgala þegar Guðni mætti á leikinn í gær.



Guðmundur og strákarnir voru spurðir út í það á fundinum hvort að það þyrfti ekki bara að tryggja það að forsetinn væri á öllum leikjum liðsins.



„Hann hefur fært okkur mikla lukku,“ sagði Guðmundur Guðmundsson, landsliðsþjálfari og landsliðsfyrirliðinn Guðjón Valur Sigurðsson nefndi það að Guðni og strákarnir í liðinu hafi verið að tala um þetta í búningsklefanum eftir leikinn.



Guðmundur var þó fljótur að skipta yfir í alvöru tal um leikinn á móti Portúgal.



„Það sem við gerðum vel í þessum leik er að við vorum vel innstilltir í leikinn og með þau gildi sem hafa oft verið til staðar í íslenska landsliðinu. Stórt hjarta og mikla baráttu og með því fylgdi síðan blessaða leikgleðin,“ sagði Guðmundur.



„Það var skemmtileg stemmning í liðinu og nú þurfum við bara að halda í hana því nú bíður okkar bara nýr andstæðingur,“ sagði Guðmundur.







Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.