Erlent

Hefja byggingu nýs sjúkra­húss vegna Wu­han-veirunnar

Atli Ísleifsson skrifar
Sjúkrahúsið nú verður byggt á 25 þúsund fermetra svæði.
Sjúkrahúsið nú verður byggt á 25 þúsund fermetra svæði. AP

Kínverjar hafa hafið framkvæmdir við byggingu á nýju sjúkrahúsi í borginni Wuhan þar sem til stendur að hlúa að sjúklingum sem greinst hafa með Wuhan-veiru. Áætlað er að sjúkrahúsið muni geta tekið við þúsund sjúklingum.

Kínverjar er þekktir fyrir að hafa hraðar hendur við framkvæmdir, en vonir standa til að framkvæmdum ljúki þann 3. febrúar næstkomandi. Að lokinni jarðvegsvinnu verður forsmíðuðum byggingum komið fyrir á lóðinni.

Með byggingu sjúkrahússins er verið að endurtaka leikinn frá árinu 2003 þegar nýju sjúkrahúsi var komið upp í höfuðborginni Peking vegna útbreiðslu Sars-faraldrinum.

Sjúkrahúsið nú verður byggt á 25 þúsund fermetra svæði, að því er fram kemur í frétt AP. Er það staðsett um 25 kílómetrum frá miðborginni.

Alls hafa 26 manns látist af völdum veirunnar og mörg hundruð smitast, en um er að ræða afbrigði kórónaveiru og eru upptök hennar rakin til matarmarkaðar í kínversku borginni Wuhan.

Að neðan má sjá loftmyndir frá framkvæmdasvæðinu.


Tengdar fréttir

Íbúar tíu borga Kína í ferðabanni

830 tilfelli veirunnar hafa nú verið staðfest og með ferðabanninu vilja yfirvöld reyna að hefta útbreiðslu smitsins á þessari mestu ferðahelgi ársins hjá Kínverjum sem halda nú upp á áramót.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.