Matur

Buffalo blómkáls taco með gráðostasósu

Sylvía Rut Sigfúsdóttir skrifar
Buffalo blómkáls taco úr smiðju Evu Laufeyjar.
Buffalo blómkáls taco úr smiðju Evu Laufeyjar. Mynd/Evalaufeykjaran.is

Matgæðingurinn og þáttastjórnandinn Eva Laufey Kjaran Hermannsdóttir heldur Taco-Tuesday hátíðlegan í hverri viku. Hér gefur hún uppskrift að girnilegu buffalo blómkáls taco með gráðostasósu. Við gefum henni orðið. 

Buffalo blómkáls taco með gráðostasósu

Fyrir 2-3

  • 1 stórt blómkál
  • 2 tsk salt
  • 1 ½  tsk pipar
  • 2 tsk paprika
  • 1 tsk hvítlaukssalt
  • Orly deig
  • Salt
  • Buffalo sósa
  • Ferskt salat
  • Tortillavefjur
  • Gráðostasósa
  • Spírur

Aðferð:

  1. Skerið blómkálið í litla bita og setjið í skál ásamt þeim kryddum sem talin eru upp hér að ofan og blandið vel saman.
  2. Veltið blómkálsbitunum upp úr orly deiginu og uppskriftin er hér að neðan. Steikið í olíu sem þolir djúpsteikingu í örfáar mínútur á öllum hliðum þar til blómkálsbitarnir eru gullinbrúnir.
  3. Þerrið blómkálsbitana á eldhúspappír og saltið aðeins í viðbót.
  4. Hellið buffalo sósu yfir blómkálsbitana og veltið þeim upp úr sósunni, magnið fer eftir smekk.
  5. Berið fram í tortillakökum með fersku salati og ljúffengri gráðostasósu.

Taco-Tuesday! Mynd/Evalaufeykjaran.is

Orly deig:

  • 250 ml hveiti
  • 250 ml sódavatn
  • 1 tsk lyftiduft
  • 1 1/2 tsk salt
  • 1 tsk pipar

Aðferð:

  1. Blandið hveitinu, sódavatninu, lyftidufti, salti og pipar saman í skál og hrærið þar til deigið er silkimjúkt.

Gráðostasósa

  • 200 g sýrður rjómi
  • Safi úr hálfri sítrónu
  • 100 g gráðostur
  • Salt og pipar
  • 1 tsk hunang

Aðferð:

  1. Setjið allt í skál og maukið með töfrasprota eða setjið í matvinnsluvél. Maukið þar til sósan verður silkimjúk, kryddið til með salti og pipar.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.