Innlent

Karlmaður á fimmtugsaldri lést í árekstri við snjóruðningstæki

Kolbeinn Tumi Daðason skrifar
Frá vettvangi á tíunda tímanum í gærkvöldi.
Frá vettvangi á tíunda tímanum í gærkvöldi.

Karlmaður á fimmtugsaldri lést í hörðum árekstri fólksbíls og snjóruðningstækis á Reykjanesbraut, á móts við álverið í Straumsvík, í gærkvöld. Lögreglunni barst tilkynning um slysið klukkan 21:22, en bílarnir voru að koma úr gagnstæðri átt.

Hinn látni ók fólksbílnum, en ekki er hægt að greina frá nafni hans að svo stöddu að því er segir í tilkynningu frá lögreglu. Þá var einn fluttur á slysadeild með minniháttar meiðsl.

Lögreglan á höfuðborgarsvæðinu og rannsóknarnefnd samgönguslysa rannsaka slysið.

Reykjanesbraut milli Hafnarfjarðar og Reykjanesbæjar var lokað í nokkrar klukkustundir vegna slyssins og voru viðbragðsaðilar að störfum á vettvangi langt fram á kvöld. Vegurinn var opnaður aftur um klukkan hálf eitt.

Hafnarfjörður Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið